八六年o既新春，大關旅行社一個女領隊帶團去海南島，果時o既海南島無咩夜生
活，所以女領隊o向到o左當地o既當晚，( 初一晚 )買o左好多花生啤酒，同班團友
坐o向空地度，傾o下計談o下心，差唔多時間就返酒店休息，仲講定第朝幾點o向
酒店集合。
當中有兩個來自香港o既單身男團友被編入同一間房，或者過慣夜生活o既佢o地，
太早訓唔著，所以其中一個提議去附近一個叫小東海o既海灘傾o下計，到達後，
一個o向海灘玩沙執貝殼，一個落o左海灘游水...過o左陣，執貝殼果個男仔發覺另
外個男仔游游o下水唔見o左，都不以為意，以為男仔游游o下水可能上o左岸返o左
酒店，所以佢唯有自己返酒店，無匯合果個男仔。第二日，果個男仔仍然無返酒
店，領隊問起，佢就話尋晚去過邊度邊度，於是領隊同導遊都推算呢個男仔可能
離開o左去探佢o向海南島o既親戚。經商議後決定由個領隊留守酒店等個男仔，導
游同其他團友繼續出去玩，可惜羌侏個導遊玩完返o黎，個男仔仲未出現，領隊同
導遊最後決定報警，結果，o向附近o既小東海撈起o左條屍，領隊同導遊認屍後，
證實系果個失蹤o既男仔......屍撈起時，全身白腫，口同鼻孔都塞滿沙，死狀恐怖
；由於新春期間醫院唔開，所以條屍被逼運去佢地住o既酒店，開到最大o?J冷氣
再用冰密封，市政府同時亦通知死者o向香港o既家人盡快o黎認屍。
可惜新年期間，辦出入境手續好麻煩，結果佢o既家人延誤差唔多兩個禮拜先趕到
去。市政府解剖屍體後，未等佢家人過o黎就燒o左條屍，最後佢o既家人獲旅行社
三萬蚊o既賠償，佢家人亦將佢o既骨灰帶返香港，事情暫時好似告一段落.........
兩個月後，果間旅行社再派團去海南島，領隊同樣系果個女仔，入住同一間酒店
。第一晚，個女領隊沖完涼後上床休息，熄燈後突然聽到洗手間有花灑聲傳出，
女領隊可能因為太倦，所以無理會照訓，第二朝起身，發覺自己唔系訓緊自己張
床而系房間外o既走廊... 第一反應當然嚇親，下意識以為有賊，於是立即檢視自己
財物有無唔見，結果一切安好，女領隊心已經一怯，不過都當無事發生。同一日
，當女領隊帶完團友出外再返酒店後，整團團友o既行李發覺被離奇地掟出走廊，
果一晚，女領隊上床準備休息，當熄燈後，女領隊清楚咁聽到外有人敲門，夾雜
一把聲：「領隊，帶我返香港......」後來，大關旅行社包架機，載一班法師過去
招魂同超渡，報紙都有賣，幾大陣象o下。後來件事平靜過來，不過女領隊返到香
港不停發惡夢，有大師教佢，自己一個人住同一間酒店、一間房，第朝o向死者遇
難o既地方將見到一個椰子，將呢個椰子帶返香港就無事。女領隊最後照做，事情
最後都完結。到宜家，再無人敢住呢間酒店，連服務生入夜都唔夠膽再入去 ......
