如果係屯門元朗大的, 一定聽過老鼠州係邊, 講返時間係70年代尾, 屯門是剛剛開始發展新市鎮, 好多土地都係填海出來, 屯門市廣場到安定村都係填出來.

話說漁民出身老人, 所以每年都會去青山灣青山畫舫飲, 記得個時去, 三聖村都係入伙無耐. 講返去畫舫一定要坐駁船去, 就好似現在去珍寶海鮮舫一樣. 以老鼠州就正正係青山灣出面一個小島.

記得個年差唔多9歲左右, 我老媽又帶我去飲, 是我每年最祈望, 因為可以坐船及係漁船上玩嘛 (細個邊有機會坐呀),另外小朋友去飲就玩多個過食啦. 記得隻畫舫只有兩層高, 做飲宴多數用低層, 以上層就會空係到, 我地小朋友最鍾意係樓上玩.


咁個次去飲就特別難忘, 因為一上到上層, 就係上層以經好多小朋友係上面玩, 但係一個都唔識 因為每年都係同表哥表姐係上面玩. 咁就落返去啦. 我老媽就問我點解唔上去玩, 我就話上面一個都唔識. 表哥表姐又未到. 到夜少少, 我班表哥表姐都到曬, 咁我地就衝上去玩啦. 但係之前個班小朋友以經唔係到. 我就同表哥表姐講頭先你地未到, 上面以經好多人係度玩, 但係唔知點解無曬人係到, 咁我其中一個表姐就落去睇下. 等佢返上離就話, 小朋友只得我地這一班. 根本就無其他人係到.


我班表哥表姐話我講大話, 但係明明我眼見係有嘛, 做細路仔明明講真都話比人講大話, 我當然喊住叫呀媽啦. 落到去, 我媽問我咩事, 我就原原本本講比佢聽, 佢聽完就講: 你唔好上去玩, 邊度都唔好去.

都差不多開席個陣, 我班表哥表姐落返離, 就同我講, 頭先玩玩下, 唔知點解多左一班人係到玩, 佢就問個班人, 但係佢地只繼續玩無理佢地. 我同我老媽講, 表哥佢地都見到呀. 跟住成圍檯的人都靜曬無出聲. 個時細個, 唔知佢地點解.


到走,坐駁船, 係駁船上見到個班小朋友繼續玩, 我就同老媽講: 個班小朋友都係到, 你見唔見到呀, 當然隻駁船的人個個鴉雀無聲.我老媽就話: 你唔好講野收聲. 當時唔知點解, 但返到村口, 就被老媽捉住拜土地公. 到我大個少少, 我老媽就同我講: 話原來我係見鬼, 佢話青山灣個度的漁民, 係年幼體弱, 意外浸死, 因無錢安葬, 好多時就隨便葬係老鼠州. 所以青山灣夜晚成日都鬧鬼.

後話: 隨屯門發展, 現在老鼠州附近海域就以經填曬, 現在就便了個兒童公園, 位置係兆麟苑一部份. 如果屯門住的師兄一定知道係邊, 但係個山仔實在好多人骨, 所以政府無謂將個山仔剷平. 因會嚇怕住個邊的人..


參考來源