熱播中的網劇《反黑》，短短10集已於內地取得直迫3億的點擊率，而劇集在香港的反應都極好。不少人讚賞張建聲的招積演出夠衰格好睇之外，更多人談論是戲中有不少由細睇到大的電影惡人參與，特別有份親切感。其實由第1集開始，見到成班叔父全體登場，大家已經連聲叫好，而且部分角色更用返大家熟悉的稱呼，如吳志雄叫大佬B，集體回憶立即加曬分。而家就同大家盤點下呢班叔父輩朋友。
同樣叫大佬B，在《反黑》中就飾演落難大佬，不過結局都係不得好死。吳志雄（《古惑仔》大佬B）
在《反黑》中同樣叫大佬B的吳志雄，是個夕陽大佬，冇啖好食。雖然嚴格嚟講，大佬B只係在電影《古惑仔》系列首集出場，但事關佢為人夠義氣，又肯睇住班細，深得觀眾愛載。可惜最終被
