石天欣10年喺大台藝訓班畢業，喺大台工作4年間，連續3年、分別喺3套劇入面演被強姦角色，因而得到一個「御用被姦」稱號……當然，呢啲咁稱呼，聽落都幾奇怪，但大台咁多年嚟就好鍾意用呢條橋。

喺石天欣出現之前，最經典嘅一幕強奸戲係鮑國平強姦陳三元……即係《陀槍師姐II》入面駱達華同滕麗名嘅一場戲，成為好多人嘅噩夢。

至於同石天欣同期嘅「強姦戲」都有好多係話題作，好似徐子珊12年《雷霆掃毒》嘅「一秒強姦」、同年高海寧喺《法網狙擊》嘅大露背強姦戲。

到咗後石天欣時代，演出得最多被姦嘅女星，可能係陳凱琳喇。佢先喺《名門暗戰》被譚偉權強姦，再喺《張保仔》遇上「御用犯」李天翔，最慘一次係《巨輪II》入面被養父吳岱融捉上床施暴，巨輪變亂輪。


石天欣曾經喺三年內，連續演出被姦角色。（《仁心解碼II》圖片）同期有徐子珊嘅一秒強姦。（《雷霆掃毒》圖片）
仲有高海寧喺《法網狙擊》大露背。《法網狙擊》圖片石天欣之後，就有陳凱琳接連幾套戲被姦，其中吳岱融喺《巨輪II》嘅獸父角色就最黑人憎。