終於，終於輪到鍾欣潼（阿嬌）放閃喇！
阿嬌自公開認愛「醫界王陽明」、整容醫生賴弘國後，花生同祝福兼之而有之，但最弊就係賴弘國異性緣不絕，之前離過婚，又被爆有個F奶女子嗌佢做老公，未完，跟住再有人爆料，話「醫界王陽明」9月初仲同另一名「大奶妹」及醫生朋友同遊東京，咦，呢位「大奶妹」仲唔係第一次同「醫界王陽明」去旅行。
依家，賴生又去咗旅行喇，此行唔係同大奶妹，而係阿嬌。
啱啱阿嬌喺instagram放閃，上載同賴弘國合照，阿嬌身穿露腰裝，小鳥依人，挨在男友攬到實，企喺海邊，迎風背光睇日落，真係好浪漫，就連阿Sa同King Jer都忍唔住要俾like大嗌sweeeeeeeet！
一向低調嘅阿嬌難得喺ig放閃晒幸福，唔知係咪好事近？經理人Mani今日回覆《蘋果》：「佢放假啫，唔好話好唔好事近，最緊要佢搵到個人真心錫佢。」
 |  賴生又去咗旅行喇 |  阿嬌喺instagram放閃 |
 |  |  阿嬌身穿露腰裝 |
 |  |  |
