大台咪神之一嘅高海寧，由於身材惹火，拍過唔少性感戲，不時要晒三點式，當中最爆係拍過劇集《法網狙擊》，被白健恩強姦(新聞連結：http://bit.ly/2zJJOdQ)
，搞到背脊紅痕處處兼爆唇，高海寧當時有報道寫到佢好豪放，其實佢都係依照導演要求去做，呢幕已經係佢拍劇嘅底線，事件亦令高海寧心情難過，更有雜誌記者上門騷擾其家人，更拿出強姦劇照問家人睇法。
對於大台今次出「禁性感令」，以後拍強姦戲只會用「意會方式」去表達，同埋女藝人着三點式出鏡，可以喺適當時加T-shirt等，高海寧今日回覆傳媒：「有收到通告，以後着泳衣外面可以加T恤，覺得更加舒服，更加尊重女藝人，係開心事。」
