有人話女人最靚嘅時刻有兩個，一係結婚，二就係懷孕，31歲嘅準媽媽賴慰玲今日就喺ig貼咗一張孕照，身上只披上一塊喱士，性感中不失美態。
喺《女人俱樂部》（M Club）飾演少女版張慧儀賴慰玲，今年9月同舞台劇工作者男友梁子峰奉子成婚，當時佢透露預產期會喺12月( 新聞連結：http://bit.ly/2lt81S6
)。下個月就分娩嘅賴慰玲，都好似好多孕媽媽咁，影吓相記住陀B呢個重要嘅時刻。
今日佢就將孕照公諸於世，佢留言話：「I am ready!最近問咗好多身邊的媽媽/朋友，每個人的作動情況都大不同，每個故事都好深刻獨特興奮，我希望 #一個即食麵 #一杯奶茶 #一天一天 #令人興奮 #性感演繹」。網民見到鮮有性感嘅慰玲，都忍唔住留言大讚佢好正之餘，仲笑呢位準媽媽再度發育呢！
此外，另一位準媽媽熊黛林(Lynn)亦有有趣事同大家分享喎！佢今日下晝就喺微博到留言：「昨天晚上肚子抽了一下，事發突然心裡不確定，很害怕，好一會都不敢動彈。今天問了媽媽才知道，是寶寶踢我了」，原來只係佢嘅小寶寶用腳仔同佢打招呼啫，相信Lynn都放晒心啦。
賴慰玲透露有影全裸照，但靚相暫時未到手，所以今次只公開一張相，問點解咁大膽？佢話﹕「今次係搵一個朋友幫手影，想趁住懷孕留低個曲線美，所以大膽啲冇所謂。現在心情係既緊張又興奮，好期待！」
 賴慰玲今日喺ig度晒性感孕照。 |  (ig截圖) |  網民睇到大讚正呀！ |
 賴慰玲今年9月同舞台劇工作者男友梁子峰奉子成婚，鄭嘉穎都有現身祝賀。(資料圖片) |  一班好姊妹陳嘉寶、陳瀅都有出席佢嘅婚禮。(資料圖片) |  準媽媽熊黛林今日喺微博分享有趣嘅懷孕事。(微博圖片) |
