賭王一家自細被傳媒關注，26歲嘅超蓮見報率，粗略估計年資有20年，私生活相當透明，戀事更常成為C1常客，她今次接受《蘋果》專訪，可以一一親自平反。
被傳媒封為「賭王最索千金」，超蓮自嘲麻甩愛食茶記：「其實我真係好麻甩，千金同我唔係好襯，係好另類，你問所有同我認識嘅人，無一個會話我係索，大家都係叫我，可唔可以女仔少少，唔鍾意著高踭鞋，唔鍾意著裙，唔鍾意化妝，好多呢啲麻甩嘅嘢，我都開闢條新嘅路，千金都可以麻甩。」
自小愛追星，當中飛輪海吳尊追得最貼，她笑言：「吳尊係真嘅，細細嗰有睇偶像劇，其他唔係，冇追過其他星，最無奈一個係羅志祥，我冇追過佢星，我同佢女朋友Grace好好朋友，一識嘅時候以為我係fans，我只係陪個朋友去睇演唱會，只要我同任何朋友去睇演唱會，同嗰個明星唔係好熟，就覺得我去追星，真係唔係追過多星，真係追過一次，就係吳尊呢一次，冇啦。同埋，我真係26歲，唔好27、28同29，見過有寫28，我唔介意寫後生。」
超蓮戀事當然成為關注，同台灣歌手吳克群分手後不少異性都成為緋聞、觀音兵，佢就強烈否認：「係男性朋友，唔好全部都話係緋聞男友，我真係冇咁多男朋友。真係冇，一個都冇，我o依家先話感情嘢唔講，以前儍儍地出一個活動就拖住出嚟，所以真係全部你講係緋聞男友係真，都真係唔係，朋友怕咗我唔同我出街，我已入咗黑名單。唔止男性，女仔都笑我，一見到我就問近排有咩新兵？真係好慘，根本都冇收過兵，點樣咁話我呢！以我阿媽角度去睇，一個女仔有咁多異性朋友，叫做緋聞男友，咁樣係唔好，我阿媽係相信雜誌多過我把口，信你哋多過信我，同佢解釋都無用。」
另外，超蓮近年的ig除了Smile with us HK佔領外，還有洗版式的貓貓片同相，原來三太、超雲同超蓮都係「貓奴」，現時家中有12隻貓，當中有6隻係中秋節出世：「佢哋全部叫食物材料名，個幾月大，9月27日大，黑糖、花生、芋頭、湯丸、芝麻同冬菇，我阿媽堅持養晒。」其實，超蓮本身對貓毛敏感，但從不考慮棄養：「我會食藥，無諗過棄養，佢哋喺度時盡量唔會捽眼同面，唔係會面腫。」
 |  超蓮咁多年嚟，追星淨係試過一次，就係追吳尊。 |  講起唔吳尊就心心眼。 |
 仲有一點，超蓮話現時26歲，唔介質大家寫細佢。 |  |
