龔嘉欣(Katy)今日喺黃大仙出席商場活動。
大後日就係Katy28歲生日，大會安排咗蛋糕，一班fans齊齊唱生日歌幫Katy慶祝，Katy話：「生日嗰日要拍落水戲，會同陳智燊同張振朗兩個型男一齊過。」問到想唔想有個真正嘅男朋友陪？Katy就話：「慢慢嚟啦，o依家破紀錄呀，每日瞓得兩個鐘，我覺得搵個男友要接受呢點都幾難。唔諗住喇，o依家瞓都冇得瞓。」
講到之前佢為咗入行9周年影咗輯真空性感相，佢話：「剩係貼咗乳貼，不過都好放心，成件事出嚟係靚，可以再挑戰性感㗎，28歲都大個女，想多啲新嘗試。」問到會唔會考慮全裸？佢就話：「咁正？人生有機會都會試吓，等大肚影一輯全裸相做紀念，不過都有排。」
