關之琳、周汶錡、四太梁安琪、何猷君、何超盈、汪詩詩、呂良偉同太太今晚去到灣仔，出席「演藝學院2017年度籌款舞宴」，周汶錡今晚着住嘅晚裝係由關之琳設計，而關之琳就着咗低胸晚裝，但佢自己就話好少着到咁隆重，問到佢知唔知在場好多人都有着佢設計嘅衫，佢就話：「我知道，好多謝佢哋，個個都着得好靚。」


關之琳就講到嚟緊會設計春夏裝，加上自己成日都會行街睇衫，所以不時都時有新嘅設計，一年大約都要設計二百幾款衫，都幾大壓力。之之仲話想計設啲滑雪嘅衫，想喺出年可以出到，不過要考慮好多技術上嘅問題。



(攝影：林賓尼)邢嘉倩陀住第二胎現身