洪天明日前被爆在上海背老婆周家蔚媾女，與辣妹夜蒲後手拖手返酒店，事後天明強調冇對我太太做出任何背叛嘅嘢，不過承認老婆為咗呢件事唔開心，事隔幾日，周家蔚先現身話信任天明，又力撐老公話：「純粹一場誤會。」(新聞連結：http://bit.ly/2oozbuG)
事件發生後，周家蔚一直未有好似往年，喺聖誕節貼吓一家四口嘅合照，只係日前喺ig貼咗同大仔TJ一齊佈置聖誕樹嘅限時影片，噚日就貼咗張自拍相，話喺河南嘅安陽市過緊一個冰凍嘅聖誕！但係一直都唔見有天明嘅踪影，不過，話晒聖誕係令人開心嘅日子，所以今日周家蔚終於喺ig貼咗一家四口嘅相，齊齊坐喺架車出發去慶祝，睇到佢嘅笑容冇早喺幾日咁牽強，似乎已經雨過天青！
 周家蔚今日喺ig貼合家歡相片！(ig圖片) |  噚日周家蔚話喺大陸過聖誕！(ig圖片) |
 周家蔚話相信天明。(資料圖片) |  洪天明話太太為拖女事件唔開心！(資料圖片) |
