趙學而將於今年4月28日舉行處女紅館騷「Right On Time」，早前真空上陣晒平胸拍個唱海報，學而話做咗人妻之後，都未試過咁大膽，所以拍攝時佢好緊張，不時叫工作人員幫手睇有冇走光。
等咗廿幾年先上到紅館嘅學而表示：「咁難得紅館喎，雖然我一把年紀，但都會搏命盡力啦，我諗住到時跳火圈吞火劍，超級無敵十字步都會做，哈哈哈！」至於戰衣方面，老公畀唔畀佢騷性感？學而一副老婆大晒口脗話：「老公唔會理我控制我啦，一人做事一人當，我自己決定就得。我o依家最大難題係太瘦，一定要好努力增肥。為咗增肥，我已經日食六，七餐，希望到時大家唔止睇到我呢個小骨女嘅骨騷啦。」
去年兩場九展騷嘅門票被秒殺，問到點解紅館開一場咁保守？學而坦言：「睇觀眾反應啦，如果反應好好，就同大會研究下加場，o依家真係唔敢咁貪心，可以唱一場已經好開心。」
 趙學而將於今年4月28日舉行處女紅館騷「Right On Time」。 |  早前真空上陣晒平胸拍個唱海報。 |  學而話做咗人妻之後，都未試過咁大膽，所以拍攝時佢好緊張。 |
 等咗廿幾年先上到紅館嘅學而表示：「咁難得紅館喎，雖然我一把年紀，但都會搏命盡力啦。」 |
