「玉女掌門人」周慧敏（Vivian）今日喺尖沙咀為月底嘅演唱會排舞，Vivian透露呢段時間瘦咗6磅，0依家只係101磅，佢話：「11月開始排舞，我同排舞師講我跳到機械人feel，所以想早啲排，唔想上到台仲有一副諗樣。」返到屋企有冇跳俾老公倪震睇？佢笑住話唔會，返到屋企就會熄機。
Vivian指今次擔任演唱會總監嘅古巨基有份構思歌衫，原本都好安心，點知最後發現有啲衫係好難著，有啲雖然性感，但未至於好太誇張。歌衫要唔要倪震過目？Vivian話：「佢對基仔好信任，佢知道上台要突破啲，同平時造型要唔同。」佢又笑言老公唔會探班，如果演出時，倪震坐前啲都會令佢好緊張。
今次開演唱會，Vivian指自己一蚊都冇收，將自己嘅歌酬全部投資喺製作上，佢話：「趁有動力，為支持自己嘅朋友表演，想大家開心，其實基仔今次都係義工。」提到基仔為佢嘅演唱會搞到成面鬚根，Vivian笑住指：「我真係對佢唔住。」
此外，月初同老公倪震結婚9周年紀念，Vivian話：「當日都要排舞，老公order咗四川菜，我搏命食，之後就要養聲，前一排病咗，都係啱啱先好番。」
 「玉女掌門人」周慧敏（Vivian）今日喺尖沙咀為月底嘅演唱會排舞。 |  |  Vivian透露呢段時間瘦咗6磅，0依家只係101磅。 |
 |  |
