36歲嘅唐詩詠今晚喺台慶頒獎禮上，憑《不懂撒嬌的女人》奪視后；至於勁敵宣萱，賽前呼聲甚高，但今晚竟然冇現身。
根據無綫規矩，冇到就冇獎嘅精神，幾乎節目一開始已經可以確認宣萱冇獎。但點解宣萱唔到呢？係一個疑問。《蘋果》試過聯絡Mall姐，暫未回覆。
據本報收到消息，之前喺續約上一直採拖字訣嘅唐詩詠，原來最近已經低調同無綫續約喇。
唐詩詠續約之前，傳聞多多，一時傳佢轉簽古天樂，一時傳疊心水做生意，有job就接。無綫搵佢傾續約都搵咗好耐，但唐詩詠似乎都係唔太想傾咁。
正當宣萱開始做下專訪，講下自己得獎機會之際，唐詩詠亦不時被傳媒拍到佢嘅日常生活，而舊愛洪永城同契哥馬國明都分別發功，撐詩詠攞獎，令呢位不能錯過的女友人氣一時無兩，贏晒民意同人氣！
就算到last minute，詩詠都毫不鬆懈，在禁奶令下仍然以戰鬥格現身，嗰下咳一咳，成寸長事業線夾咗出嚟……
諗番轉頭，宣萱日前又放風話，未決定會唔會出席頒獎禮…
唐詩詠真係大個女喇！
而唐詩詠喺後台接受訪問，心情仍然未平伏嘅詩詠話：「好難得，今年真係好難，好難得到呢個獎，好多人都唔記得多謝，不過可以行到今時今日，真係好多謝媽咪，佢教咗我好多重要嘅嘢，之前一路都未放低，終於可以拎到獎，我知道佢可以睇到。」至於馬明最終失落視帝，詩詠就話：「馬明永遠係我心目中嘅視帝！」
 |  36歲嘅唐詩詠今晚喺台慶頒獎禮上，憑《不懂撒嬌的女人》奪視后 |  勁敵宣萱，賽前呼聲甚高，但今晚竟然冇現身。（資料圖片） |
