日模松岡李那(Linah)同周焯華（洗米華）早排喺夏威夷一攬被封新寵，之後佢接受訪問嘅時候，就大嘆：「there is no one is good guy！」（冇個好男人），仲堅拒做第三者。
今日係松岡嘅生日，佢就喺東京開32歲生日party，主題係阿拉丁，松岡就着咗套公主嘅衫，仲好性感。生日就當然有蛋糕啦，今次松岡就有一個大隻猛男送上蛋糕，兩個關係睇落好好。
《蘋果》問到松岡係咪新男友，佢話：「唔係，係識咗好多朋友。」問生日願望，佢話：「希望工作順利，嚟緊會拍電影，6月會有電影上映，亦會去夏威夷拍廣告。」據知男仔係日本法國混血兒叫Leo，之前松岡去完法國，唔知係咪同Leo一齊。
 |  松岡套衫好性感 |  |
 大隻猛男送上蛋糕 |  |
