今晚喺灣仔有個活動，吸引咗好多靚人出席，包括有高海寧（高Ling）、陳凱琳、何傲兒、準新娘雨僑、朱潔儀等都有現身。


女星盛裝現身是常識吧？今晚最搶一定係以白色吊帶裝現身嘅高Ling，收起性感一排嘅佢無預警下嚟個「大解放」，真係睇到嘩嘩聲！高Ling話：「好耐冇試過性感，造型師幫我揀，型少少趁番啲皮草。」講到公司嘅限奶令，高Ling話主要係針對綜藝節目同拍劇：「其實係想保護女藝人同尊重女藝人，公司台慶都冇限制。」


另外，着白色tube dress晚禮服現身嘅陳凱琳，谷出事業線，佢笑言隆重場合所以性感少少。提到一班姊妹賴慰玲、陳嘉寶今日去咗男友鄭嘉穎屋企拜年，佢話：「我哋兵分兩路，今個新年同嘉穎都有去對方雙方父母屋企拜年，所以好忙。又同嘉穎朋友一齊食團年飯。」對於同男友攬攬照片曝光，佢笑言原本不想放上網，但既然朋友放咗所以自己都post埋一份。至於係咪明年到佢派利是，佢笑言順其自然，講到麥玲玲預言佢哋低調，陳凱琳坦承：「都諗過會結咗先講，會喺香港註冊，或者行完禮至註冊，會叫好close朋友出席。」


至於何傲兒都唔輸蝕，佢套寶藍色晚裝好貼身下，同樣谷胸上陣嘅佢成件事好優雅大方，女人味加晒分。同場仲有下月舉行婚禮嘅雨僑，唔知係咪因為就快做人妻關係，今日嘅打扮相對地保守咗，但其實都「中門大開」，有啲睇頭，佢話套衫冇俾未婚夫羅力威過目，但將來就會俾老公睇吓先。




（攝影：沈健程）唔囉嗦，先嚟高Ling三連發。打側睇都好好睇
真係搶晒風頭