胡杏兒去年10月生咗「小王子」Brendan，佢同老公李乘德（Philip）有仔萬事足，成日帶住囝囝周圍去，仲有報道話杏兒為咗阿囝停工，不過事後杏兒話只係因為o依家餵緊人奶，所以唔可以離開阿囝太長時間！
喺農曆新年前，杏兒同老公就撇低阿仔去咗上海做嘢，第一次離開囝囝幾日，嗰陣杏兒仲帶揼奶器，揼定啲奶俾阿仔，可能有咗呢次經驗，所以日前杏兒喺ig貼咗張同老公嘅合照，背景係陽光與海灘，原來佢哋去咗泰國嘅布吉，杏兒留言話自從Brendan出咗世之後，佢哋好耐都冇拍拖，今次去咗一個朋友嘅婚禮！
到咗今日輪到Philip喺ig放閃，佢先貼咗一條短片，內容係杏兒喺度掟飛鏢，之後仲讚老婆多才多藝又可愛，跟住又貼咗張合照，話嘗試將笑容同泰國嘅笑容吻合！之不過成張相嘅亮點並唔係佢哋嘅笑容，而係喺杏兒身上，事關佢著住件粉紅色嘅三點式，外面加咗白色吊帶背心，嗰條事業綫真係好養眼！
 (ig圖片) |  兩公婆玩得好開心喎！(ig圖片) |  好養眼呀！(ig圖片) |
