岑麗香、馮盈盈、陳煒等今日喺將軍澳宣傳新劇，香香喺新劇係一位老師，打扮密實啲，不過宣傳活動就唔係咁講喇，佢今日以露肩裝配高衩短裙騷長腳，拍得住上次擔任華姐評判嗰條魚網裙。
香香話呢套劇有着泳裝拍攝，佢話尺度係老少咸宜……之不過日前林泳淘喺劇入以泳裝示人，喺水中碧波蕩漾，心口慘遭打格，同一場戲嘅李佳芯，32A上圍就圓好無缺（新聞連結：http://bit.ly/2FavOzT
），唔知香香又會受到邊種對待呢？
香香要扮老師，拍劇全桯要戴眼鏡，佢話拍戲近視加深咗，至於性感工作就交俾馮盈盈負責。講到鍾嘉欣又有喜，香香會搵時間探望佢。而陳煒就為咗套劇學蔡李佛，仲話已經變咗做動作演員。
 |  岑麗香條裙好高高高衩。 |  同黃浩然玩遊戲，差啲走光。 |
 |  陳煒為咗套劇，學打蔡李佛。 |  馮盈盈 |
