半年前喺加拿大註冊結婚嘅林奕匡（Phil）今日同太太Rikko喺W酒店補擺喜酒，一班好兄弟好姊妹都有到場祝賀，當中黃美棋、鄧佩儀、張名雅同麥雅緻更做埋姊妹團，而兄弟團就有伴郎馮允謙、Dear Jane主音阿Tim同埋反串嘅Robynn and Kendy，葉晴晴同孫曉慧。
據知今晚林奕匡夫婦會擺21圍，會場佈置以簡約為主，下午五時左右，林奕匡夫婦喺一眾兄弟姊妹團包圍之下步入會場，阿Phil今日一身黑色西裝配煲呔出場，相當醒神，而太太Rikko就以低胸白婚紗亮相，現場大概有一百名賓客及半百傳媒，一對新人步入會場時表現得相當興奮，不時會向四周賓客揮手，上到台後亦都有應傳媒要求先後錫咗老婆六次。
林奕匡喺台上話：「之前已經喺加拿大註咗冊，本身今日只係一個簡單嘅party，但係估唔到出場前都好緊張，要keep住最靚仔同最有型嘅狀態，最重要嘅係，要承諾照顧太太一生一世，以前都會罵交，但係結咗婚就唔會，因為我會接受佢嘅一切。」而太太Rikko喺一旁聽完之後非常sweet，佢話：「好開心，之前喺加拿大時好多親戚好似公公咁都去唔到，今日補擺酒大家可以嚟見證。」講完感受之後兩位新人喺台上進行切蛋糕儀式，其後一眾兄弟姊妹一齊上前影大合照。
 攝影：馬建華、葉君海 |  喺加拿大註冊結婚嘅林奕匡（Phil）今日同太太Rikko補擺喜酒。 |  |
 兄弟團就有伴郎馮允謙、Dear Jane主音阿Tim同埋反串嘅Robynn and Kendy |  阿Phil嘅哥哥都有份（右五） |  黃美棋、鄧佩兒、張名雅同麥雅緻做埋姊妹團。 |
 林奕匡喺台上話：「本身今日只係一個簡單嘅party，但係估唔到出場前都好緊張。」 |
