薛家燕今日代言人身份到鑽石山出席「千歲健步舞」活動，介紹低升糖成人奶粉，佢仲推薦畀未來親家，齊齊修身。


6月娶新抱、準備榮升奶奶嘅家燕姐，表示依家都特別注重飲食：「我哋成家同埋未來新抱，夜晚都唔食飯，依家瘦咗幾磅，最多十磅夠啦。」


問家燕姐佢嗰套奶奶戰衣準備成點？佢笑謂好似登基咁：「事業線唔使啦，阿仔叫我保持低調，不過都換五套衫，個wedding planner都問我哋點安排換衫，到時個個嚟晒，我哋又去咗換衫喎。我哋第一日就擺50幾圍，第二日西式就三、四百人啦！」