文詠珊(Janice Man)、李佳芯(Ali)、關美薇、湛琪清同彭慧中，今日盛裝現身中環舉行施華洛世奇 Brilliance Redefined展覽，Janice Man真空穿着墨綠色西裝現身，佢話以往試過着西裝時內裏襯low cut免走光，但出來效果很差:「o依家大嗰咗，覺得就咁着外套再黐膠紙會好睇啲。」
講到舊老闆黎明正式成為人父，JM就話已經短訊祝賀對方，並要絞盡腦汁準備一份有心思禮物，可能是訂製BB水晶裙，對於黎明氣憤寫出「漢奸論」，佢話:「我唔知發生乜事，佢唔開心可能係唔想咁早畀人知，始終想保護屋企人。」
Ali趁拍劇空檔出外搵真銀，嚟緊七月要到深圳拍三星期外景，佢話:「 今次係我第一次出埠拍劇，雖然只係去三個禮拜，但係心理上都未習慣，初步睇劇本應該都會有機會返嚟香港。」佢表示未必會帶太多行裝北上，但必定會帶毛巾跟身，問到可會叫男友北上探班？佢話:「我住地方謝絕男賓，有乜返香港先講。」
精選娛聞，喺晒《娛果》
http://fb.com/appledailyent
 Janice Man真空穿着墨綠色西裝現身。 |  李佳芯話7月要返深圳拍三星期外景。 |  |
