70後、80後、90後，有哪些區別，又有哪些通病？對待工作、金錢、婚姻、買房等，又有哪些觀念上的不同？下圖一分鐘讓你看懂！
Nicole（90後）法律助理：「呢份工可能係我嘅踏腳石，我最注重係學到啲咩，係每個老闆、每個部門吸收到啲咩。人際關係重要嘅，做一份工最重要係大家合作，我最接受唔到係同事嘅負面態度，會影響到自己。有得揀我寧願唔OT啦，但老闆call你返去，冇得唔返架啦，用另一角度去睇囉，你有用，佢先叫你嘅啫。」
Vivian（80後）項目經理：「以前喺工作上識咗依家個老闆，add咗個facebook，之後我facebook message佢，試下say hi，問「你哋公司有冇opening(空缺)？」佢話always。我就問「do you want to have some creative chemistry？」佢答sure，隔咗兩日就約咗係starbucks到等，等咗佢一個鐘，傾咗一個鐘就請咗，一個禮拜之後就返工。」
Gary（70後）製作經理：「讀完書返嚟就做呢份工，做咗13年。我其實唔係好適合呢份工，我個人唔係好識say no，但呢份工有時係要好堅持嘅。每個人性格唔同，我懶得轉工，但個job嚟到又會投入去做，可能係個慣性啦，可能真係冇時間諗轉工轉啲咩。我好後悔，應該去試多啲新嘢，都40幾歲喇，自己唔係做老闆嘅料。」
