是咁的，剛剛去左大家樂食飯，見識到一位兵變嘅真男人嘅故事，由個男人嘅髮型到身型我都覺得佢係一個資訊有用嘅IT_（但係整齊嘅），而喺佢身邊一齊出現嘅係一個衣著打扮應該出現係老蘭而唔係大快_，火野過火野麗咁戰鬥架勢嘅女人…小毒毒嘅我無勇氣影相..
「焗豬扒飯嘛，講咗啦。」
女：你話好想食就係食呢啲啊?!?
男：係啊，焗豬扒飯嘛，講咗啦。
女：邊度好食㗎？！？ 嗰啲茄又唔係義大利茄… 豬扒又唔知係唔係有病巴西豬…（下略三四句）
男：又係你問我想食乜嘅（平靜聲）
【填寫圖來源】
「我無咁好福氣做你男友啊」
女：做咩鬧我啫？！我都嚟咗陪你食啦！我連阿媽都無要過我食_快活㗎！你仲要鬧我，你以前做我男朋友嗰時都唔會咁㗎！?
男：男咩朋友啊，我前兩日先見到你同第二個男人去老蘭食飯直落，我無咁好福氣做你男友啊（個男人聲線都仲係好平靜）
女：嗰啲朋友嚟啫，你先係我真命天子?
男唉咗聲：我追你追咗兩年，個個月送成皮野禮物俾你，揸車接送連私人保姆，都算啦，你靚你多人追有權揀，我架爛鬼車你話過襯你唔起，要有貴樓貴車先襯到你，依家知我搵多咗少少錢，知我父母有啲錢，知我係英國籍你就話要結婚話要有bb…
「＿！你連焗豬有幾好食都唔＿知講咩將來！」
女打斷個男人講野：唔係啦??我真係覺得自己大個女要諗嚇將來（ 擠出如時間洪流一樣嘅事業心來）咁我覺得咁多人入面我最鐘意係你，只覺得你可以一生一世㗎咋，以前無話你係我男朋友係諗住俾目標你追我嘛，咁快到手男人好易變。
男：＿！你連焗豬有幾好食都唔＿知講咩將來！
嗰刻我見到個男人有幾秒變咗超西3幾秒，頭髮都變金埋咁，之後爆咗一堆話佢唔尊重佢老豆老母，話一齊去食個飯都唔去，只係喺街見過，以為佢哋係草根就睇佢哋唔起…（下略差不多10分鐘）
條女_曬面咁解釋一輪之後爆咗句：咁你依家即係唔要我啦！
「無咩唔好阻我食埋個焗豬。」
男嘅只係答左句：係，無咩唔好阻我食埋個焗豬。
就因為呢一句心底話，我決定分享佢嘅故事…
之後嗰個人兄對住食咖哩腩飯嘅我作出一個微笑同欣賞嘅眼神，而我都以一個微笑同尊重嘅手勢支持咗呢位人兄對焗豬嘅尊重同執著，可惜無青島，如果唔係我一定同呢位人兄好好傾嚇佢過去嘅英雄出處同事跡。
