有人話，當的士佬都同你講多謝嗰陣，香港經濟就大獲了！計我話，當莎莎sales姐姐都招呼你嗰陣，香港零售就真係死寂了！
作為一個莎莎長年忠實顧客，過去十年行入一間旺區莎莎，都會享受到高度自由的購物環境，因為sales姐姐眼中，從來只有操流利普通話的大媽，對於買一百幾十蚊一件開價貨品的香港人，除了畀錢嗰一刻，其餘時間都係透明㗎！
話說農曆新年期間，去莎莎買咗兩支韓國品牌底妝霜，竟然有七五折！畀錢嗰陣仲送多一樽睡眠面膜，加一堆現金優惠券，埋單只係二百幾蚊，最恐怖係有個sales姐姐笑笑口招‧呼‧我！
我開始擔心，莎莎好似係兩三年前開始引入韓國品牌，會唔會係賣唔曬就嚟過期大贈送呢？睇一睇個樽底，竟然係2017年底先過期！成件事真係「too good to be true」！
直到今日莎莎公布新年條數，我明，我真係明，連莎莎都唔掂，香港零售今鋪真係玩完了！
成功之道 要有進取心
莎莎約有1000名員工，分布不同區域，售貨員自然希望爭取派駐旺區店舖，可分多些傭金。不過，郭太說：「多生意與否，最重要都係員工本身，若你有好多熟客，根本唔使派去旺舖都不愁生意。」
擁有逾20年化妝品零售經驗的郭太稱，一個成功售貨員，最重進取及應變。她舉例說，自由行令莎莎店舖多了內地旅客，他們出手闊綽，但很多生活習慣與本地人不同，機靈的售貨員會留意顧客一舉一動，當發現他們累時，便給他們一張椅，那就不會出現一班顧客在店舖的場面了。
