減肥係女人嘅終身事業，雖然把口成日都話減，但真係實行嘅時候，又有好多藉口。做運動好攰、冇時間做、節食唔健康… 其實小編都好明白，因為小編都係咁(ノДＴ) 不過，今日就等小編教你3分鐘瘦腿大法，只需要你睡前3分鐘，夏天就可以盡情展露美腿！
想有修長嘅美腿，一定要有恆心。雖然只係花你３分鐘時間，但都要堅持先有成效㗎～相信好多sis 都有水腫嘅問題。除咗按摩之外，依個動作都可以幫助去水腫 究竟係咩動作呢？開估啦！
首先瞓喺床上，然後舉高你雙手同雙腳，指向天花板。（係咪好簡單呢？）
依個動作要hold３分鐘。喺依３分鐘期間，要不停擺動你嘅四肢。記住啊，如果淨係fing小腿嘅話，大腿係唔會有效果！雖然擺動大腿係會攰啲，但為咗夏天嘅短褲短裙，都係努力啦~ 短短３分鐘，就可以燃燒脂肪同去水腫，方便又快捷。
依個動作除咗瘦腿，其實都可以運動到手臂同肚腩㗎。因為喺你擺動雙腳時，會帶動到肚腩去運動。不過，當然要你雙腳抬得夠高，fing得夠落力啦٩(ˊᗜˋ*)و只需要每晚臨瞓前３分鐘，就可以擁有一對修長美腿，你冇理由唔行動啦
