元朗唔食唔得美食好介紹！

2017-06-23

【唔食唔得－元朗屏山5大必食隱世美食！】

元朗多美食就好多人知道，但係再走遠啲，其實屏山都有唔少隱世美食，亦有唔少人假日特登入黎屏山尋美食。除左聞名天下嘅華嫂，你又知唔知道仲有啲咩必食嘅隱世美食？咁你就要繼續睇落去啦！

先黎介紹聞名天下嘅華嫂，最出名嘅美食莫過於濃郁蕃茄湯底嘅豬扒同埋雞翼湯麵，當然仲有莞茜皮蛋湯底啦。如果唔想食咁多份量，可以選擇招牌菠蘿包，熱辣辣嘅菠蘿包夾住煎蛋同鮮甜肉茄，加埋厚切牛油，真係完美嘅配搭！不過筆者更加鍾意蛋沙律多士，微甜嘅蛋沙律丶火腿薄片丶鮮甜肉茄同埋新鮮生菜，感覺清新，一啲都唔肥膩！野飲方面，一定唔少得冰花奶茶，凍冰冰又唔會有冰溝淡茶味，擺幾耐都係咁濃味！如果你都想試華嫂美食嘅話，記住唔好星期日黎，因為呢到星期日會休息架。不過其他日子黎就要早啲排隊拎籌，由於客人眾多，大約12點就冇得再拎籌，會隨著人數多少決定截單，所以要早啲到啊。同埋有員工午飯時間會休息，2點先會再開始營業，晚上都唔會營業。你仲唔快啲黎？

店名：華嫂冰室

地址：元朗屏山坑頭村

電話號碼：2617 2232

營業時間：8:00 – 13:00，14:00 – 17:00

小町拉麵係最近先加入屏山隱世美食嘅新成員，店名「小町」好似講緊屏山咁，好似自立成市嘅小城鎮。聽到個店名都知道呢到主打拉麵，共有6款拉麵湯底，分別係醬油丶白味噌丶赤味噌丶蕃茄同鹽，全部都係豚骨魚介系，採用30公斤豬筒骨花12小時熬製，絕不欺場。除左拉麵，同場加映其他日式小食，例如花椒雞翼丶叉燒法包丶自家製煎餃子丶小町漢堡包等等，真係唔知食邊款好啦。

店名：小町拉麵

地址：屏山坑尾村85號地下

電話號碼：2316 2988

營業時間：星期三至星期日：12:00 – 14:00，17:00 – 20:00

圖片來源：ipick.com/　5businesshk.com/　facebook

小町拉麵嘅對面就係F1 Café！一睇就知道呢間café係以賽車為主題，大大架車做招牌，就連入面嘅櫈都係賽車車椅造型，夠哂型格！店主係著名設計師鄧達智嘅堂弟，係個超級跑車粉絲，唔怪得知會以賽車做café主題。食物方面，主打西式美食，例如肉扒丶意粉同薄餅等等，包你岩食！最特別嘅係野飲名都係用汽車名，例如法拉利，完全反映左店主到底有幾鍾意車！相信會吸引一眾賽車忠實粉絲黎呢到朝聖！不過要記住呢到星期三唔會營業架。

店名：F1 Café

地址：元朗屏山坑尾村 105 號

電話號碼：2662 2162

營業時間：星期一、二、四：11:00 – 17:00、星期五至日：11:00 – 15:30，17:00 – 21:30

Café 123食堂係著名設計師鄧達智經營嘅餐廳，午市主打茶記美食，晚市主打私房菜。餐廳以黃色為主調，夠哂搶眼，離遠企喺對面已經見到！午市嘅茶記美食夠哂特別，有黑松露炒蛋厚多士丶鹹牛肉芝士蛋菠蘿包丶紅豆鹹牛肉西多丶印尼咖哩雞翼米粉等等，私房菜都唔輸蝕，例如酒香神仙鴨，菜式絕對非一般貨色。不過要記住Café 123食堂喺星期日同公眾假期都會休息，想食就要識揀日子啦。

店名：Café 123食堂

地址：元朗屏山塘坊村 123 號

電話號碼：2662 2162

電話號碼：9195 4884（只可whatsapp聯絡和預訂）

營業時間：星期一至六：8:00 – 17:00

相信有唔少一直鍾情於屏山美食嘅朋友都會聽過屏山肉餅，既然要介紹屏山隱世美食又點可以唔介紹埋佢？搬左去新舖嘅屏山老地方距離舊舖唔算太遠，地方比以前大，座位更多，不過都滿足唔到一眾粉絲，所以依然成日黎到都要等位。肉餅款式多到數唔哂，除左每日唔同款式嘅肉餅套餐之外，仲有一系列固定肉餅款式。無論你想試傳統口味定係新潮口味，一樣滿足到你。數到筆者最愛嘅肉餅，當然係榴槤同芒果肉餅啦！重口味嘅榴槤同埋香甜芒果配埋即叫即製肉餅，真係完美嘅組合！未食過嘅朋友就一定要試下！由於每款肉餅都係即叫即整，所以記住預返時間啊。

店名：屏山老地方

地址：元朗屏山塘坊村32-33號地下

電話號碼：3480 0696

營業時間：8:00 – 21:00

網民撐爆！全港最好味雲吞！

之前雲吞麵抬頭，唔少人都想食返碗。你又知唔知邊間係最好味呢？

圖片來源：heynga_thn @IG

呢間位於元朗嘅麵店就有網民熱推，仲話，如果要揀全港十大最好味雲吞麵，一定唔可以無佢？以下呢段就係網民心聲喇！圖片截取自《香港十大最好味雲吞麵》好到底麵家地址：元朗阜財街67號地舖FB：www.facebook.com/HTTNS

隱世高水準牛腩店唔知幾時開始，呢間粉麵店就闖出名堂！附近街坊試完呢度嘅牛腩都讚口不絕，食過翻尋味！牛腩肉質稔滑又入味。雖然係清湯底，但味道好濃，我想連湯都飲埋！好多人都食魚片頭同豬手，問完先知原來呢2樣都係一流架！

圖片來源：kfchow01

傳麵世家

地址：元朗合財街26-28號興隆樓

還是家常小菜好有時雖然出街食比較多選擇，但始終懷念屋企煮嘅餸。呢間喺屏山某個村落嘅食肆，就好知大家嘅心意，供應嘅食物就正正係甚有「媽媽的味道」嘅家常小菜，好似肉餅飯。依度嘅肉餅飯一啲都唔簡單，肉餅升曬呢，有芒果肉餅、榴槤肉餅，芝士迷無法抗拒嘅六重芝士肉餅！今次真係叫埋阿媽一齊食至得喇！

圖片來源：屏山老地方

Facebook Page屏山老地方

地址：元朗屏山塘坊村32-33號地下

FB：www.facebook.com/lodteifong

豬扒醉雞齊齊食早前網上流傳呢間食肆嘅食物圖，個個見到都LIKE爆，仲要個個都分享，話要一齊去食。咁吸引，小編梗係要去朝聖啦。果然係正嘢，醉雞用新鮮雞，吸曬啲酒味，未食都聞到酒香，肉質嫩滑，雞皮爽口彈牙。配河粉食真係好特別，而且好夾，好好味。而另一樣名物就係豬扒，厚切但一啲都唔乾身，又夠入味，肉腍亦多汁！加多塊丫，老闆！

爽爽麵店地址：元朗鳳攸北街5號順豐大廈地下5號舖

區內必試西餐廳唔好以為元朗呢區無咩靚西餐，其實呢度深藏不露。唔少人都話Chef’s Stage Kitchen CP 值高，食物同價錢都好合理，環境又好，無論係一大班人生日聚會還是2個人食餐好，都好啱要求。牛扒選料好，煮得啱要求，又夠大塊；食起嚟肉質嫩又唔韌，而且juicy，牛魔王一定好滿足！

圖片來源：hitammy @IG

Chef’s Stage Kitchen地址：元朗西菁街23號富達廣場52-55號地舖

FB：www.facebook.com/ChefsStageKitchen

第2代小野二郎小野二神係邊個？佢就係壽司之神喇！老闆係呢位日本壽司の神小野二郎嘅fans，因為受到佢嘅啟發，所以用紀錄片嘅名開咗呢間舖。老闆雖然唔係真嘅壽司之神，但都一樣專業。舖頭細細，人龍老是常出現。老闆果然係「神」，整壽司就係用時令食材，咩嘢啱時候就用嚟即整壽司，夠新鮮！去到食咩就由師傅發板，呢啲服務先係神級嘛！

圖片來源：daisy0v0 @IG、oilming @IG壽司の神

地址：元朗馬田路安寧大廈20-30B七號地舖

爆喇！流喇！千層肉醬多士本來平平無奇嘅屋苑快餐小店，因為一個千層多士而出名，吸引唔少為食友專程去食。究竟呢個千層多士有咩咁勁？一睇相你就明啦！多士有普通版同加碼版，材料超豐富，有肉醬、芝士、蘑菇、蕃茄同生菜，所有嘢配合得好好，味道超夾！芝士同肉醬多到爆，爆到流，真係引死人，食嗰時真係要小心啲！

圖片來源：hkfoodiemeow @IG輝記美食

地址：元朗馬田路怡豐花園A座地舖

大過塊臉炸雞髀無敵大雞髀果然名不虛傳，因為呢隻雞髀真係可以大過你塊臉。雞髀大大隻，每隻超過10安士重！醃到入味之後生炸，食落表皮奇脆無比，雞髀肉嫩滑又多汁！雖然呢度最出名係無敵大雞髀，不過唔少人都話嗰度啲焗飯同豬扒飯都好好味，有機會真係要試下！冰室連台北都開咗分店，香港人嘅你又點可以唔試？

圖片來源：dalisiutsz @IG萬芳冰室

地址：元朗建德街35-55號時景花園地下10號舖

FB：www.facebook.com/manfongcafe

零負評　堅．高水準甜品店唔知你有無發現，元朗嘅甜品店特別多？不過唔係間間都出名，出咗名又站得住腳。而呢間甜品專門店就由幾年前開業至今都一樣咁旺場，食物依然有質素，就連某食評網（雖然公信力受疑）都可以零負評，真係好少有，好難得。甜品未食，但見到個樣，都已經感受到師傅嘅心機，用心製作都好重要！呢個「大糖鈕特選拼盤」將唔同嘅甜品拼喺一齊，整到成幅畫咁，真係呃到唔少LIKE！最緊要係，睇得之餘又食得嘛！下次入元朗，一定要再去！

圖片來源：小糖鈕甜品專門店

Facebook Page小糖鈕甜品專門店

地址：元朗裕榮徑11號地下10號舖

FB：www.facebook.com/Sweet.button.desserts

芒果乜乜乜連炒冰都得夏天芒果最啱時候，芒果糯米糍、西米露、腸粉、布甸呀……呢啲都食厭咗，咁炒冰呢，食過未？芒果都可以炒冰？係呀！元朗一間甜品店就有得食芒果炒冰、榴槤炒冰……芒果炒冰睇上去以為係蛋糕，點知原來係一大塊冰！食落去芒果味濃，好清新！加上芒果當造，夠曬甜！凍冰冰，食幾啖，個人醒神曬！咁大件，記得同friend一齊食呀！隔離食緊芒果卷，都好吸引！

圖片來源：laylaychan @IG、roytszchung @IG甜心鮮果園

地址：元朗安寧路紫荊樓2期138號地下

新奇亂溝創意雞蛋仔估唔到，平平無奇嘅雞蛋仔由香港街頭小食，之前搖身一變，竟然可以喺外面出沒，加埋雪糕，成為新一代呃LIKE 美食ICON！最最最令人意想不到嘅係，元朗一間店舖創意無限，唔只玩變味，仲玩亂溝！雞蛋仔有4款味揀，又可以加餡，仲有9款餡料揀，朱古力、芝士同紅豆蓉呢啲已經好普通，玩大啲嘅就有栗子、M&M’s、OREO、蜜糖同紫薯！有人整彩虹雞蛋仔呢！想試勻知道邊個最好味，慢～慢～啦～