小妹都同過公屋男拍拖，有Feel所以同佢發展！ 佢唔高大都唔靚仔也沒一份好工。
年紀佢都定了位，不是少年窮可等佢成功， 肯定嫁比佢搬去佢間公屋，一個細單位加埋我8個人 如果我同佢生了小朋友就9個人。 我唔係好敢想像
一間細公屋有佢老豆老母，仲有佢呀哥同佢哥老婆，佢哥兩個仔。
都唔知佢哥幾時先排到公屋走！ 嫁埋入去有排迫，都知佢冇錢同我租出去，
佢老母開口叫我快D嫁比佢個仔!
唔上進唔叻仔都唔緊要........重點發現佢成日賭錢夠膽死唔問聲私自拎我d錢賭！！冇錢仲賭我點交幸福比你。
最後我要分手，佢知果陣有個唔錯家底的人追我，佢就話我因為佢窮所以同佢分手！ 但事實我冇因為要同第二個一齊所以飛佢，佢要罵我港女 ﹐ 大佬我港女就唔會同你拍拖啦！曬我青春咩？
最估唔到佢要收返送過比我ge野。D禮物加埋都冇一萬，咁都要收！我問返佢計得咁清楚比你吉係咪要收返錢？？更加知分手係明確
一路以來都唔少追求者，單身了一段時間就更多了.... 有些都條件不錯，揸林寶 自己有物業 ﹐ 表明想追我﹐問可唔可以比個機會佢~ 最後搵極我都唔覆佢，因為冇feel !
不過後來都識了一個男朋友，雖追求者條件不是最好，不過投契 ﹐對我不錯， 就一齊了。
現任bf年紀雖細，上進都叻仔，白手興家已經置業(不用供 佢一個人住)﹐ 都有車。
先講後期點解咁錫我。。同佢初初一齊時 ﹐佢同我講生意錢轉唔黎問我借幾萬黎，我第日就拎錢比佢！原來試我 拎比佢又叫我收返埋！！佢話睇我幫唔幫，我同佢講唔幫你都正路！岩岩一齊 你又冇比過任何野我，就問女人借錢~ 比著好多女人即走啦 ! 幫你果個都白痴~ 我就係果個白痴!! 佢聽完笑囉~
冇幾耐到我有一次屋企人同我跑山要幾萬蚊還債，我都諗住自己家事自己攪掂佢~~但估唔到佢聽到我講電話後即時比o左幾萬蚊我~ 佢話我比曬屋企人咪自己冇錢用囉！！突然覺得佢好可靠。 仲主動話我想就打本比我做小生意，又out手指尾說佢講過就係平時又會做家務又煮野我食，要好好珍惜佢 ~所以黎緊都會結婚生Bb~~~~~
好多人成日講，
寧坐寶馬上哭 也不坐單車上笑。
呢句野太唔公平，我想講
寧坐寶馬上笑 也不坐單車上哭！
男人係好你坐寶馬同單車都是笑，佢不好你同佢行路又如何？？有些女常強調自己單車上笑 不坐寶馬上哭~
其實關乜Q單車寶馬事 唔一定有條件就一定對女人衰 咁講對條件好的太唔公平！我都比呢句野騙了，以為選個條件愈差愈實冇死錯人，原來唔係 ! 講到尾女人都係想有一個對自己好，安穩踏實又比到將來的男人 . 邊個唔想？真係要乜男人就有乜嘅張來。
跟 A.公屋男友8人一屋 ，到佢父母年老走了，政府收返間屋，跟住我同佢帶住個仔排屋排到2046？？？仲要跟個賭錢完全冇積蓄 。
B.私樓男友 兩人一屋 有plan識草錢 對你仲細心體貼個公屋男
