坐著喝也變漂亮～！熱推5款可以在Office飲用的簡易美顏瘦身花茶～！
喺OFFICE大家都鍾意飲咖啡，但過量咖啡因會令皮膚老化同無光澤，其實大家可以喺OFFICE自己沖花茶飲，用嚟代替咖啡提神之餘，仲可以美顏兼瘦身！以下係小編推薦俾大家嘅5款花茶，用熱水焗就飲得，非常方便！
1.菊花茶
菊花含維他命A有清心養肝同明目嘅功效，同時美顏排毒。將菊花5-10朵加500毫升熱水焗10分鐘即可飲用。
2.玫瑰花茶
玫瑰花有豐富維他命，可滋養血氣同平衡內分泌，令皮膚白裏透紅亦有助通便。將7-10朵玫瑰花加500毫升熱水焗10分鐘即可飲用。
3.洛神花茶
又叫玫瑰茄，有大量維他命C同多種礦物質，對美白皮膚同祛斑極有功效，仲有助排毒利尿去水腫，每日飲用洛神花茶可有助減輕皺紋。將數朵洛神花乾加入500毫升熱水焗至水變紅色即可飲用。
4.紫羅蘭花茶
紫羅蘭花可排毒美顏同降脂減肥，兼有美白功效。將數朵紫羅蘭花乾加500毫升熱水焗10分鐘即可飲用。
5.櫻花茶
櫻花唔止個樣睇得，仲有豐富維他命，有潤膚亮膚細膚既功效，同時潤肺同化痰止咳，可以一邊欣賞一邊飲，返工心情都靚D！將數朵櫻花乾放入熱水焗五分鐘即可。
