早呀，星期四喇! 米爸琴晚落左ORDER 早餐想食手打烏冬。
米媽係度幫緊佢PACK 聽日飯盒時忍唔住秒左佢一下當聽唔到。
米爸即刻轉頭對米米講:米，你想唔想食烏冬呀。
米一面天真:想呀
米爸: 你知唔知媽咪識整烏冬架，不如叫媽咪整俾我地食哎
米轉頭問我:媽咪，我地一齊整烏冬好唔好呀，妹妹想食呀。
米媽:………..你叫爸b洗碗，媽咪同你一齊整。
於是….琴晚就用左9秒9時時間整左甘筍同菜心烏冬，因為甘筍同菜心淨左D~~(善用廚餘~~)
好在有Bosch OptiMUM 廚師機幫手整，唔駛用腳踩N咁多轉，直接開機搓團，再用壓面機壓幾次後就切麵搞掂曬~~~ 除左要發酵果1小時，其實由開機到切完麵條，都係10分鐘既事黎~~~~快到你唔信。
平時整多少少，分好每餐份量，放入冰格，要想果時拎出黎就有自家製手打烏冬。
所以…今朝…食清烏冬，米果碗係昆布清湯配甘筍烏冬，米爸果碗係鰹魚汁冷烏冬(菜心)。 見到咁靚色既自家製烏冬，真係會精神一振，人生充滿希望XD
俾埋食譜大家可以屋企試下自家製健康烏冬。有小朋友既更加要試=)
遲下有時間米媽先POST係BLOG 度~
你地見到無得食都俾個LIKE，因為朝早7點煮完米未訓醒有時間快手打下食譜開心些牙~~
材料:1. 低筋麵粉(過篩)-150克2. 蒸熟甘筍蓉(放涼)-50毫升3. 水—20毫升3. 鹽-9克4. 保鮮袋-一個
製法:
1. 全部材料倒入盤內，開SPEED 3，5分鐘攪拌成團後,麵團拿出來搓成圓形
2. 將麵團放入保鮮袋內放置1小時(這個靜置過程是令麵團變得柔軟，更容易按壓伸展。你會看到前後的分別，剛成麵團時比較乾燥，放置後變得有光澤水分及軟身。)
3. 放置1小時後，先把麵團切成平均2等份，先插上意粉配件壓麵器，先灑些麵粉於壓麵的齒輪位，然後把一份的烏冬麵團放入，壓平後，對摺再放入機內壓平，重覆3次。就完成麵皮的部分，其餘兩份麵團也是一樣。
4.之後就換切麵器插入廚師機中，灑些麵粉於齒輪位，把麵皮放入，自動就會切成麵條。
5. 煮一鍋水，滾起後，下烏冬煮至熟，撈起過冷河即完成。6. 可以準備多些，分成每餐份量放入冰格，吃時直接取出放入滾水內煮熟撈起。 (不用解凍)

 

 如沒有廚師機，可依以下方法:

製法:1. 先將鹽溶於水裡，之後準備一個盤，將鹽水，麵粉倒入盤裡，用手搓揉至成一個均勻，光滑的麵團，過程約10-15分鐘。(不用撻，用手攪拌均勻就可以。) 2. 將麵團搓成圓形後放入保鮮袋內放置1小時。--這個靜置過程是令麵團變得柔軟，更容易按壓伸展。你會看到前後的分別，剛成麵團時比較乾燥，放置後變得有光澤水分及軟身。3. 放置1小時後，不用從保鮮袋取出麵團，直接放在地板上，用腳將麵團踩平，踩平後把麵團拿出來，左右向中間對摺後，再上下向中間對摺，之後就重新放入保鮮袋裡，放在地下用腳板把麵團壓平，再取出把麵團對摺，放入保鮮袋，再用腳踩平，總共總覆這個步驟3次，之後就可以在工作台上灑粉，把麵團取出放在工作台上，用麵桿把麵團轆平，直接你想要的厚度，之後再在烏冬麵皮上，灑上厚厚的麵粉，防止麵皮容易黏在一起。--這個用腳踩平麵團的過程是比較省力及時間的方法，如果不想的話，可以直接在工作台上，灑麵粉，用麵桿把麵團轆至平均厚度後，對摺，再轆平，重覆3次。4.將麵皮捲起，用膠刮或是刀切出你喜歡的厚度。 5. 煮一鍋水，加少許鹽，滾起後，下烏冬，煮至熟，撈起過冷河即完成。

--TIPS1. 薄力粉即低筋粉(Cake Flour):蛋白質含量約 7％至 9％，筋性比較低。適合做一些鬆軟蛋糕2. 我用江別製粉的北海道全麥麵粉，所以不知道其他牌子麵粉的效果是否一樣。這個麵粉牌子的網頁，http://item.rakuten.co.jp/kenkocom/x212460h/另一個常用的日清麵粉網頁,http://www.nisshin.com/entertainment/komugiko_club/meikan/01/01.html3. 手打烏冬的步驟有簡有繁，我選擇簡易版，各烏冬食譜也大同小異，有兩種做法，一種是只要放置一次時間就可以進行壓麵皮步驟，另一種就是要放置兩次時間，第一次放置30分鐘後拿出來再搓勻後，再放置多一次，約20分鐘，才進行下一個壓麵皮步驟。兩種都試過，分別不同。依大家方便啦~4. 不用保鮮袋的話，可以使用米袋，或揉麵團袋，只要將麵粉，鹽水放入麵團袋裡，綁好直接在袋內搓揉，成團後直接在袋入放置足夠時間就可以進行入一個步驟。5.用腳踩麵團的參考連結http://blog.yahoo.com/_CGP6UH62KANBDKVGXW7MOFHWQQ/articles/78030

參考來源