Janice Man，唔再係o靚模，亦唔再係模art，長大後已經變成一位成功嘅演員。

早數o靚模之最，周秀娜都係經典喇。出過極誘惑刷牙寫真，性感演出不乏，不過撇開呢啲歷史，娜姐轉型成功，演出慢慢受欣賞，好似早前套《29+1》，成為唔少女士心聲。嚟緊佢同Stephy又有套《女士復仇》，睇怕又係代表作。而佢仲喺先後喺釜山亞洲新媒體電影節同洛杉磯電影節憑《我的極品女神》、《紙月亮》拎過「最佳女演員」，名乎其實。

另一位差唔多時期嘅o靚模－Angelababy，計一計，今年佢已經28歲。前年5月佢同大陸男星黃曉明領證結婚，到咗10月就喺上海擺酒。今年初呢位人妻再進一步，誕下囝囝小海綿。

DaDa陳靜拍飲品廣告爆起，仲有個響噹噹嘅外號「百果園E神」，本身DaDa夾住呢個名，都係出吓活動影吓相，直到12年拍完《低俗喜劇》，翌年再爆冷贏埋金像獎最佳女配角，可以同o靚模身份講拜拜。

曾幾何時，楊梓瑤（本名楊麗華）改過名做楊焉，但大家最熟悉係叫「浸大E神」嘅Carol，靠寫真、《美女廚房》上位，拍過電影，都係神感賣肉居多。最終Carol搵到出路，考到瑜伽導師資格。


更多娛聞，喺晒《娛果》
http://fb.com/appledailyent

周秀娜算係o靚模始祖，慢慢轉型成功，演戲越做越叻。《29+1》都有好多好評。
DaDa憑《低俗喜劇》拎到最佳女配角。Angelababy同黃曉明結咗婚，仲有個仔。