韓劇《太陽的後裔》嘅宋仲基及宋慧喬上周二於首爾舉行婚禮，當日宋仲基眼中只得喬妹，又不時為老婆暖手，非常甜蜜。不過喬妹眼中就唔係只得宋仲基，當日喬妹就被發現影相時一直望住另一個男星，究竟係咩人咁大吸引力？
於網上公開嘅婚禮現場照中，當雙宋跟一眾嘉賓合照時，喬妹被影到雖然蹺住宋仲基，不過眼神就飄向身邊嘅劉在錫，而且仲似乎跟劉在錫傾得非常開心，而當時宋仲基就冇咩表情，唔通呷醋？
據知喬妹曾於訪問中表示自己係劉在錫嘅粉絲，一直都有留意劉在錫嘅節目《無限挑戰》、《Running Man》等，不過就鮮少有機會跟劉在錫見面，過去只跟劉在錫見過一次。難怪喬妹於婚禮上見到劉在錫時，都忍唔住爭取時間跟偶像傾幾句。
 邊個咁有吸引力？ |  原來係劉在錫 |  |
 宋仲基對住喬妹時，真係表情多多。 |
