46歲鍾麗緹，去年今日同細佢12年嘅大陸藝人張倫碩結婚，婚後不時在網上晒恩愛，無奈天下間嘅花生友對女性似乎都係比較「要求高」，左一句「大嬸」又一句「肥」，真係好現實。
之前有報道話影到張倫碩同鍾麗緹現身機場，張倫碩全程只顧玩手機，於是網民又揣測兩人感情生變，又有人調侃鍾麗緹「女神變大嬸」，話佢「快要把褲子撐破」，激到張倫碩要喺微博貼文反擊：「別老是拿我老婆體重說事！」又大讚鍾麗緹係全世界最正嘅女人：「這就是你，一個我尊重和愛的女人」，仲話：「你現在我喜歡。你以後我也喜歡！」
有個咁錫自己嘅老公，鍾麗緹當然識做——俾身在長沙開工嘅老公一個驚喜——化身性感女僕，敲老公度房門。
條片嘅credit係「碩帝國影像出品」，條片一開首就係「啱啱瞓醒」嘅鍾麗緹，一臉慵懶，用嗲到爆嘅聲線「嬌喘」了一下，伸個懶腰同大家say hi「大家好」，然後話今日係結婚一周年啦，之後鏡頭一pan，咦，老公不在床上，於是鍾麗緹話要俾個驚喜佢。
鏡頭一轉，就見到鍾麗緹去做gym啦，又揀戰衣啦——就係呢件性感女僕裝。整個過程鍾麗緹表情萌到爆，又yeah又yes又飛吻，就連介紹送俾老公嗰盒蛋糕，都要「揸住把聲」，令人忍唔住要搵衫著。
咁當然鍾麗緹唔係著住件女僕裝就咁上飛機。去到老公下榻嘅酒店，確認目標，然後鏡頭一轉，已變身嘅鍾麗緹以手機鏡頭當鏡，又嘟嘴又傻笑極誇，然後敲門扮house keeping。
好老實，鏡頭落咗effect，加埋佢個濃妝，真係唔講都唔知佢係鍾麗緹。
然後就係張倫碩開門個呆樣。
鍾麗緹張開雙手嗌：Surprise！你需要毛巾嗎？
如果你係張倫碩，你會點……
 |  你信唔信呢個look真係啱啱瞓醒？呃like嘅嘢，你懂的。 |  |
 揀戰衣 |  換好衫，去到酒店房門口，最後衝刺！ |  |
 誇過誇世代 |  |  |
 |  House keeping!House keeping! |  老公打開房門的一刻 |
 女僕老婆仲要問：Surprise？ |  然後… |  呢個蛋糕，鍾麗緹抱住佢搭飛機0架！ |
 |  |  今晚仲有party |
 呢個先至係大家熟悉嘅鍾麗緹…好似係 |  全場都係粉紅色波波，連地下都要砌個心形 |
