張艾嘉噚日喺台北宣傳自編、自導、自演嘅電影《相親相愛》，呢套戲仲喺今屆金馬獎七項提名，電影係描述三代女人嘅愛情觀，現實生活入面，張艾嘉同老公王靖雄嘅婚姻已經維持咗26年，感情依然甜如蜜。

講到點樣維繫夫妻關係，今年已經64歲嘅張艾嘉話，兩夫妻每次分開都要有一個擁抱親吻，佢提到前幾天，老公喺香港機場幫佢推行李嘅時候，兩夫婦將要分開嘅時候，司機突然跑來話：「我沒帶手機，你待會兒會找不到我。」張艾嘉話，當時老公走得太快，忘了擁抱。事後佢就即刻傳訊息俾老公：「今天走得很快嘛，下次要補一個。」嘩，真係sweet到呢！

另外，張艾嘉再提到要維持幸福嘅婚姻，首先兩夫妻一定要互相包容、尊重、了解對方，佢亦透露自己仲懷住一顆「少女心」，佢話：「對每件事情充滿好奇心、喜歡問問題、不會用單一個角度看事情，期待著很多沒發生的事，意外驚喜會讓生命更豐富。」至於新戲入面，佢老公田壯壯就同鄰居劉若英出現似有還無嘅曖昧，張艾嘉就話：「手機時代，你相信你的伴侶不會跟另外一個女人微信？」現實生活中有冇遇過劉若英嘅角色出現？她笑話答：「絕對不允許像她這樣的角色出現，因為我非常關心我先生。」佢認為，茫茫人海，兩個人能相處這麼久很不容易，所以非常珍惜。

至於片中有一名女兒，但現實佢就只得一名囝囝，張艾嘉就話：「好遺憾！因為兒子大了獨立就出去了，女兒是再大都會回來。」不過，佢話現實生活劉若英、李心潔、梁詠琪都好似佢啲女咁，都算係一種彌補。


張艾嘉噚日喺台灣宣傳佢自編、自導、自演嘅新作《相親相愛》。(台灣《蘋果》圖片)郎月婷、張艾嘉、田壯壯片中張艾嘉同田壯壯有段细水長流嘅夫妻關係。
張艾嘉同郎月婷演母女。張艾嘉現實中只有一名兒子王令塵(中)(資料圖片)張艾嘉一家三口(資料圖片)
張艾嘉同老公王靖雄(資料圖片)15年，一家三口外出飲茶。(資料圖片)現實沒有女兒，但張艾嘉視劉若英、李心潔係佢囡囡咁。(資料圖片)