韓國神劇《太陽的後裔》嘅宋仲基同宋慧喬上月31號結婚，兩人結婚後就到咗西班牙度蜜月。
雙宋前年因拍攝《太陽》而撻着，兩人低調談戀愛，雖然多次被目擊約會，但二人都死口唔認戀情。直到今年7月雙宋才高調認戀兼宣佈10底結婚，由戲裡戀到戲外，大團圓結局。
而網民就發現宋仲基原來咀喬妹有一個小動作，雙宋結婚當日，兩人喺台上先後讀出誓詞，之後交換戒指，再喺賓客見證下情深咀嘴，當中可以見到宋仲基咀喬妹時會有一個暖心小動作，佢會輕輕托起喬妹嘅下巴，然後肉緊咀喬妹。事實上宋仲基拍攝《太陽》時，同喬妹有多場吻戲，宋仲基好多場吻戲，同樣都會輕托喬妹嘅下巴，睇嚟呢個小動作係宋仲基錫喬妹時嘅「愛的動作」，認真sweet到爆。
 |  結婚當日，喺台上咀喬妹，細心輕托住喬妹嘅臉 |  拍《太陽》時一樣 |
 第一次「紅酒之吻」已經做呢個小動作，真係暖男 |
