樂壇嘅江若琳，早前就成功舉行咗演唱會，狀態依舊大勇！佢啱啱過咗30歲生日，喺instagram上上載咗旅行時候嘅比堅尼相，身形仍然好似少女咁，一啲贅肉都無～唔通有愛情滋潤嘅女人，真係會越來越靚？！
江若琳體重曾達130磅！靠自己的一套飲食運動習慣，成功減肥練出23吋纖腰～！
1.高峰時候達130磅
大家一定唔會諗到一向身形偏瘦嘅江若琳都曾經係個肥妹仔，最高峰嘅時候有130磅，佢話呢個係入行前嘅體重，細個嘅時候比較為食，為咗入行，付出咗多番努力先減到最輕嘅98磅～
2.減肥藥惹禍
Elaine有曾經因為心急而去食減肥藥，佢都知呢個係一個錯誤嘅方法，佢話藥物只係會令人短暫瘦落嚟，但會影響身體健康，嗰個時候嘅抵抗力變差、心跳加速、情緒唔穩定，當有日唔食減肥藥，反彈效果就會更加誇張
3.為表演落力瘦身
Elaine強調世界上無不勞而穫嘅事，所以之後佢就改用健康嘅減肥方法，每次有大型show或者活動，佢都會積極keep fit，唔係單單節食，或者做各種運動，仲會鍛鍊肌肉線條！
4.以減bye bye肉和練腹肌為目標
Elaine唔覺得瘦就係靚，佢覺得更重要係要有線條～佢最想係收緊bye bye肉同腹肌，因為女仔都會夢寐以求想有馬甲線，著小背心嘅時候，會想show到二頭肌、三頭肌，擁有緊實嘅手臂線條！
5.騎馬收緊臀部
其實Elaine本身就熱衷做運動，唔係純粹為咗keep fit～佢最鐘意跑步、騎馬、踩單車、游水，佢話跑步出一身汗可以去水腫，又可以練耐力，佢覺得騎馬40分鐘比跑十公裡嘅鍛鍊效果更加厲害，因要呢樣活動要用到全身氣力，騎完之後會全身濕哂，騎馬可以收緊臀部同埋大腿線條，係好好嘅運動～
6.游水練氣
Elaine覺得游水係全身帶氧運動，可以練氣，對唱歌有幫助，而踩單車比較輕鬆，佢鐘意由大埔踩去馬鞍山望吐露港一段，一邊聽歌一邊欣賞風景
7.堅持45分鐘或以上運動
宜家Elaine已經養成咗隔日做運動嘅習慣，唔會每日做係為咗要比時間肌肉休息～而每次運動要達45分鐘或以上，例如每次跑步或者玩完sky walker，頭20分鐘係warm up，過咗20分鐘之後先係真正燒脂～
8.成功練出23吋腰
如果喺室內做gym，每次會長達兩個鐘，通常係做一個鐘帶氧運動，然後做一百下sit up，做平板支撐三至四組，舉啞鈴練二頭肌、三頭肌，做器械練背肌、腹肌，持續鍛鍊之後，著衫都會靚啲
9.走油走汁
飲食方面，Elaine以清淡為主，好彩佢一向都唔好零食，所以唔洗專登戒口，佢話自己唔鐘意食濃味嘅野，為咗改善水腫，平日我會以少糖、走油、走汁為原則
10.蜂蜜水排毒
早前為咗籌備演唱會，Elaine就有特別餐單，朝早起身先飲一杯蜂蜜水排毒，再食麥皮同水果，豐富嘅纖維可以幫助腸胃消化，加一份三文治，比較豐富。午餐食物走油走汁，例如有白烚雞胸飯，去掉薑蓉同埋汁，配大量蔬菜
11.晚餐吃沙律及蛋白
晚餐份量會比較少，多數食沙律，例如雞肉沙律，加5至6隻白烚雞蛋白，豐富蛋白質可以鞏固肌肉，間中會食少少白飯，有時侯覺得悶會食一碗魚蛋粉，都係卡路裡唔高但又可以飽肚嘅
