袁偉豪、吳浩康（Deep）、翟威廉同盧巧音等今日去到銅鑼灣出席一個籃球明星賽記招，讀書時係籃球活躍份子嘅袁偉豪，憶述當年喺球場流過唔少汗水。對於公司禁奶令，佢形容好似一班學生返咗學一段時間，校長會出吓通告畀啲指示同學，佢話：「我覺得一班人拍嘢做節目時，可能做做吓過咗底線，唔好賣弄過量性感。」佢話本身係欣賞性感，因為係一個美態，正如選港姐、港男都有泳裝環節，視乎用咩眼光睇，導演其實可以點到即止，留少少幻想空間。問到佢會否介意性感？袁偉豪話：「我唔介意，最好唔好。」袁偉豪近年不時騷肌，公司仍有騷上半身劇情存貨，佢有信心可以播出街。
至於Deep嚟緊下月初演唱會亦有限肌令，騷上純以歌答謝觀眾，而謝絕騷肌，體能同唱功已經夠fit，唯獨擔心忘記歌詞，佢話：「有啲歌十幾年前唱同拍埋MV，不過唔hit無機會唱到，所以今次有機會唱。」
 袁偉豪話禁奶令似係學生收到通告。 |  佢有套劇上身半裸未出街，有信心大家遲下會見到。 |  Deep嘅演唱會就限肌。 |
 |  盧巧音 |
