今日歐陽震華（Bobby）、吳業坤（坤哥）、陳豪、李佳芯等一齊現身秀茂坪一間女校出席電視劇宣傳活動，Bobby就話自己有30年冇嚟過學校，仲話坤哥有好多後生fans。
講到主演之一嘅張繼聰被大台封殺，Bobby就話：「睇公司安排啦，呢啲都係一段時間啫，因為我聽講話TVB同阿聰經理人公司有啲法律問題要處理。」佢仲講笑話：「都好嘅，無謂嚟到個個都訪問佢，唔訪問我哋，梗係唔俾佢嚟啦！」佢仲問坤哥喺咪咁講，坤哥亦講笑話：「係啦！我冇得見報唔得㗎嘛我！」Bobby即刻話：「所以每次訪問，我都叫坤哥過嚟。寫隻歌畀我，寫完孝順梗係寫忤逆，坤哥黐鬚扮我老竇，我做仔忤逆佢。」坤哥即時話要摑Bobby「忤逆仔」，而Bobby就話：「我踢咗你先。」
講到方逸華昨日病逝，Bobby表示：「我入嚟TVB咁耐，佢就係我老闆，係一個好好老闆，又係一個好好嘅長輩、前輩，呢個消息都比較突然，我反到去睇電視都覺得好突然，冇法啦，呢個係人生必經階段，希望方小姐去嘅地方更開心，開開心心。」而坤哥則表示：「聽講佢係一個好好嘅老闆，未接觸過佢本人，但我都覺得呢個消息好突然，希望大家心情都可以平伏。」
 歐陽震華（Bobby）、吳業坤（坤哥）今日現身秀茂坪一間女校出席電視劇宣傳活動。 |  講到有指主演之一嘅張繼聰被大台封殺，Bobby就話佢都有聽講事件。 |  |
