第54屆金馬獎頒獎典禮今晚7點喺台灣舉行，紅地毯5點就會開始，即使現場陰天有雨，但都有好多fans現身，主辦單位仲好貼心咁搭起遮雨棚，等嘉賓們唔使淋濕。主持人劉傑中、楊千霈率先走上星光大道，為金馬紅毯揭開序幕。
2314：第54屆金馬獎頒獎典禮完滿結束。
2310：最佳劇情片由《血觀音》奪得，導演楊雅喆上台領獎，佢先在台下和《血觀音》台前幕後擁抱後上台，佢喺台上再同出爐影后惠英紅擁抱，佢先多謝台前幕後，文淇就喺導演身後激動流淚，楊雅喆最後揚起黃底紅字寫住「沒有人是局外人」的毛巾，全場鼓掌。
2259：最佳女主角由《血觀音》嘅惠英紅嘅奪得，佢一知道得獎之後，就用手掩住心口，仲拍住心口上台。上到台之後佢就話：「十多年前我來這裡，見到很多優秀演員，當年我拿不到獎，覺得自己做得不夠好，我和自己說要再演好一點，2009年我拿到最佳女配角，我和自己說，要發揮得更好，要每個角色都可以給大家驚喜，我一接到《血觀音》劇本就覺得十分好，所以用了小手段，要得要這個角色，試鏡的時候，我將我所想像嘅棠夫人演給導演看，也很多謝戲中的兩女兒，沒有她們我也演不到。我不會放棄，我希望再來。」
2247：最佳男主角由《老獸》嘅涂們奪得。
2233：最佳導演由《嘉年華》導演文晏奪得。文晏喺台上講感言嘅時候，就話今次攞到金馬獎嘅最大收穫，就係唔使抽籤，都可以喺台灣上映，真係好難得，講完之後全場歡呼。憑住《嘉年華》提名最佳女主角嘅文淇，喺台下聽感言嘅時候都聽到眼濕濕。
2222：林俊傑喺唱歌表演嘅環節，除咗唱出《偉大的渺小》之外，仲用廣東話唱出《當年情》。
2206：徐楓獲大會頒發終身成就獎，張艾嘉喺頒之前就話徐楓係一個俠女，仲大讚佢對華語電影有好大貢獻。當徐楓上台嘅時候，全場所有觀眾都有起立。佢喺台上話：「因為一生只能領一次，所以先請最佳男女主角的人先回酒店，謝謝老公在經濟不好的時候，給了我資金去拍《滾滾紅塵》和《霸王別姬》等等的26部電影。」
2158：楊貴媚頒發年度台灣傑出電影工作者獎項，由胡定一奪得。
2148：最佳原創電影歌曲由《大佛普拉斯》嘅《有無》奪得，都係由今日林生祥上台領獎，佢就話今日第一次攞金馬獎，冇諗過一次過攞咗兩個金馬獎，佢仲話：「由一個客家人唱台語歌，希望多包涵。」
2142：最佳原創電影音樂由《大佛普拉斯》嘅林生祥奪得，佢喺台上就話今次係第一個金馬獎。
2126：蔡依林出場表演，佢唱出咗六首歌曲，分別係《甜蜜蜜》、《流金歲月》、《最後一夜》、《追夢人》、《幸福路上》、《祝你幸福》，不過佢就失手走音，被網民狂笑。
2117：最佳改編劇本由《大佛普拉斯》嘅黃信堯奪得。
2114：最佳原著劇本由《老獸》嘅周子陽奪得。
2105：最佳造型設計由《擺渡人》嘅張叔平、張兆康奪得，張兆康喺台上話好開心可以同阿叔合作，又多謝包sir將啲造型拍得好靚。阿阿叔計埋呢一個獎，已經係第13個金馬獎喇。
2103：最佳美術設計由《擺渡人》嘅邱偉明奪得。
2055：最佳動畫長片由《大世界》奪得。
2050：最佳動畫短片由香港代表《暗房夜空》石家俊、黃俊朗同埋黃梓瑩一齊上台領獎。
2048：最佳女配角由《血觀音》嘅文淇奪得。一知道自己得獎就即時流淚，上到台就同偶像兼黃渤抱抱，喊住多謝父母同埋導演。
2026：最佳攝影由《大佛普拉斯》嘅中島長雄奪得，由納豆代領。
2019：最佳男配角由《阿莉芙》嘅陳竹昇奪得。
2013：陶子訪問李安，佢一陣要頒發最佳男配角，佢個仔李淳都有份，問到佢想唔想個仔攞獎，佢就話唔想。
2002：大會播出短片向已故演藝工作者致敬，當中包括有方逸華、陳自強、陳文輝、于素秋、曾景祥、秦萍、曾守明、齊柏林、魯芬、豬哥亮、李麗華、高飛、九紋龍、陳佩華等等。
1958：最佳紀錄片由《囚》奪得。
1954：最佳劇情短片由《亮亮與噴子》奪得。
1950：最佳剪輯由《塑料王國》嘅錢孝貞、李博奪得。
1940：最佳動作設計由《綉春刀II修羅戰場》嘅桑林奪得。
1937：最佳視覺效果由《擺渡人》嘅林哲民同、Perry KAIN、Thomas REPPEN奪得。
1930：最佳音效由《報告老師!怪怪怪怪物!》嘅杜篤之、吳書瑤及杜均堂奪得。呢個係佢第12座金馬獎。
1921：最佳新演員獎由《強尼·凱克》嘅瑞瑪席丹奪得。
1913：最佳新導演獎由《大佛普拉斯》嘅黃信堯奪得。
1858：最後壓軸登場嘅係金球影后謝茜嘉謝西婷（Jessica Chastain），佢以金馬「伯爵大使」身分出席金馬盛會，會同李安一起頒發最佳女主角獎。佢着住粉紫色禮服登場。
1856：李安導演情義相挺金馬獎，每年都不辭辛勞由美國飛台灣頒獎，佢一現身就讓影迷尖叫不已。
1853：舒淇以《健忘村》入圍最佳女主角獎，着住Elie Saab禮服，搭配Stuart weitzman鞋現身紅地毯。
1852：兩屆金馬影后徐楓今晚將獲頒終身成就獎，兒子湯子嘉、湯珈鋮陪著她出席，母子3人難得一起公開亮相。徐楓穿上台灣精品夏姿‧陳SHIATZY CHEN為她專屬訂製的禮服，佩戴CINDY CHAO珠寶，雍容華貴
1846：第54屆金馬獎評審團聯袂亮相，評審團主席吳念真率領包括秦海璐（金馬獎影后）、張同祖（香港電影導演會榮譽會長）、陳勝昌（金馬獎最佳剪輯）、虞戡平（知名導演）、裴開瑞（Chris Berry，國際華語電影學者）、錢翔（知名攝影、金馬獎最佳新導演入圍）、烏爾善（金馬獎最佳新導演）、趙德胤（年度台灣傑出電影工作者）、侯季然（金馬獎最佳新導演入圍）、曾文珍（金馬獎最佳紀錄片）、何宇恆（南特影展最佳導演）、吳覺人（前上海電影節策展人）、呂蒔媛（金鐘獎最佳編劇）、李欣芸（金馬獎最佳音樂）、許力文（金馬獎最佳造型入圍）、陳志華（前香港電影評論學會會長）17人評審團出席盛會。
1836：曾志偉、黃百鳴、泰迪羅賓、施南生難得合體現身。
1827：惠英紅同《血觀音》嘅導演楊雅喆和惠英紅、文淇、吳可熙、霍汶希一起出席紅地毯。小紅姐憑《血觀音》角逐影后，噚日電影先奪得到觀眾票選獎。小紅姐話角色令人不寒而慄嘅感覺，係因為自己係專業演員，加上導演楊雅喆俾好多指點，又收集咗好多資料，加上身邊朋友發生嘅故事，先有咁精采演出。
1832：香港導演許鞍華和《明月幾時有》女主角葉德嫻一起出席。許鞍華今年入圍五項大獎，許鞍華今年有機會爭第4座最佳導演，問到佢有冇壓力？佢話：「能提名已經好高興。」至於葉德嫻被問到《明月幾時有》邊一幕深刻啲，佢就要人翻譯，之後再答：「最後有一場，這個媽媽槍斃一場。」
1834：郭書瑤着到一身性感晚裝行紅地毯。
1818：陳嘉樺（Ella）今晚就做頒獎嘉賓，着咗Giorgio Armani 2017秋冬秀上嘅壓軸款禮服。
1816：中國導演馮小剛以新作《芳華》角逐最佳導演獎，帶領入圍最佳新人獎嘅鍾楚曦上場。
1756：角逐最佳女配角獎嘅許瑋甯，着住白色薄紗禮服，心口只有一個用珠片圍成嘅圓環圖案。今晚許瑋甯將與吳慷仁一起頒獎。
1748：「康熙二人組」蔡康永、小S（徐熙娣）一齊到場，現場fans即時尖叫聲。佢哋今年合拍電影《吃吃的愛》，報名金馬但就冇提名，兩人今晚將合體頒發最佳新導演同新演員獎。小S一身透視裝好吸睛，蔡康永就回收舊衣，中規中矩。
1746：《擺渡人》導演張嘉佳率領工作人員出場。
1712：張艾嘉今日以一條Dior黑裙、配襯Piaget嘅鑽飾系列。佢今年有份提名最佳導演、最佳女主角，佢話心情還好，希望今日順利，但問到想拎邊個咩獎，佢就話：「不要再問了。」佢話完場前會公佈下屆主持，至於點解金城武唔嚟？佢笑話：「真係唔知，可能我請佢拍套戲就嚟。」
1700：紅地毯正式開始。
 |  最佳女配角由《血觀音》嘅文淇奪得 |  最佳男配角由《阿莉芙》嘅陳竹昇奪得。 |
 |  最佳音效由《報告老師!怪怪怪怪物!》嘅杜篤之、吳書瑤及杜均堂奪得。 |  瑞瑪席丹奪得最佳新演員 |
 黃信堯奪得最佳新導演 |  最佳視覺效果由《擺渡人》奪得 |  最佳動作設計由《綉春刀II修羅戰場》奪得 |
 最佳紀錄片由《囚》奪得。 |  最佳剪輯由《塑料王國》奪得。 |  最佳劇情短片由《亮亮與噴子》奪得。 |
 最佳攝影由《大佛普拉斯》嘅中島長雄奪得，由納豆代領。 |  |  |
 |  |
