如果講到《溏心風暴》系列，大家會諗到啲咩呢，當然就係爭產啊、金句啊等等，所以噚晚播出嘅《溏心風暴3》，絕對冇令到大家失望，啲金句喺第一集，已經多到不得了，甚至可以話係太多喇……
噚晚《溏心風暴3》首播，先講整體，其實好似廣播劇，所有劇情都係用對白推進，如果大家試下唔睇畫面，都可以睇得到《溏心風暴3》，其實都算係一個特色嚟嘅。
而另一個點就係金句太多，短短第一節，負責講金句嘅夏雨、李司棋、關菊英等等，一出場就冇乜意義地講金句，好似為講而講咁。除咗金句，仲有潮語，其實近年嘅大台劇，都會加啲「時下」嘅潮語入去，相信係想令到套劇感覺貼地啲，而今次《溏心3》就更厲害，唔係加啲咁簡單，而係濫用。不過都只係第一集，可能到之後會有改進，或者會有更多嘅金句同潮語。
 |  呢段戲完全係畀王浩信同黃宗澤型(電視截圖) |  成日都講金句(電視截圖) |
 其實唔睇畫面都冇問題(電視截圖) |  (電視截圖) |  (電視截圖) |
