有冇諗過發吽哣（發呆）都可以有比賽？其實「國際發呆比賽」呢個比賽，早喺南韓、大陸、荷蘭等都有搞過，而今次就喺台灣搞，有70個人參加比賽，而勝出嘅唔係台灣人，而係香港的科技大學四年級學生陳棨豪，攞咗冠軍。
不過香港人除咗陳棨豪之後，就連彭浩翔都有參加，佢今日喺facebook貼相，仲話：「好開心這次來參加了台北的發呆大賽，雖然未能代表香港拿到奬，但卻是個難得的經驗，太久沒一個半小時甚麼都不做也不玩手機，只是坐著放空了。這造型是一個從精神病院逃出來的病人，因為在現代社會，如果不呃like不K不自拍只放空，應該算個精神病！下屆再戰！」
《蘋果》問過彭浩翔呢次比賽有冇咩難度，佢就話：「其實最大嘅挑戰，唔係在於外在，而係自己嘅睡意，原來我哋好耐冇試過90分鐘完全唔講嘢、唔郁同唔玩手機，真係好少有，最難捱真係自己嘅睡意同埋腳痹，我朝早唔敢飲水同食嘢，但完全唔飲水又怕口乾，所以少少咁飲，雖然輸咗，但吸收到經驗，下屆一定要拎冠軍。」
 |  (彭浩翔facebook圖片) |  睇嚟彭導自問都好呆得(彭浩翔facebook圖片) |
 (彭浩翔facebook圖片) |  |
