相信大家講去旅行嘅洗費， 絕大部入都花係「食」，最主要嘅原因係，山長水遠去到一個地方，就梗係想食當地最有代表性嘅特色食物，而且一日分分鐘食住7餐，計計埋埋「食」嘅洗費絕對唔惹少。不過其實想食又平又好味嘅嘢，又唔係完全冇可能，好似去旅行買外賣返酒店食，原來都係唔錯嘅選擇，今日就等小編同大家介紹下五大國家嘅外賣小食啦。
美國紐約
紐約呢個生活指數咁高嘅城市，飲食指數當然係好高，所以不妨考慮一下跟隨New Yorkers嘅步伐，買一蚊美金嘅Pizza 再配上一杯brooklyn lager 啤酒，感受下呢個城市嘅隨性。
荷蘭阿姆斯特丹
阿姆斯特丹最受歡迎嘅除咗當地著名嘅啤酒，重有傳統嘅炸薯條，而當地人就鍾意係薯條上加上洋蔥蛋黃醬同咖喱番茄醬。
英國倫敦
唔講唔知英國倫敦嘅最受歡迎嘅外賣小食並唔係大家所熟悉嘅炸魚薯條，而係喺香港都會見到嘅Kebab，當地人就最鍾意配一杯Gin & Tonic，你又點可以錯過。
德國
來到德國，大家不妨去買條傳統德國香腸加上地道咖喱醬配搭鹹蛋黃醬，另外梗係唔少得薯條及德國啤酒啦。
南非開普敦
當地人最鍾意嘅就係一邊嘆住國家嘅著名葡萄酒同時一邊享用Boerie roll ，Boerie roll可以話係南非版熱狗，買一個返酒店絕對係最佳宵夜。
