港台十大中文金曲今年提早喺中午舉行，非常破格。周柏豪憑《天網》得到十大金曲獎 ，另外又得到優秀流行歌手大獎，佢喺台下受訪時話，啱啱先喺大馬返嚟，趕最早一班機都miss咗一part，所以冇得親手拎優秀流行歌手大獎，佢話可惜：「可惜，上唔到去拎，不過o依家都喺我手上。」
周柏豪話每年都堅持出席，提醒自己要努力啲，不過今年轉咗公司，又少咗作品，要大豐收就難啲，o依家抱住睇明星心態出席。」
另外，問到知唔知余文樂、沈嘉偉被指反目一事，周柏豪話：「唔知，都係睇報道。其實大家都係朋友，往年都會一齊食飯，呢5、6年間，沈生都會搞飯局拜年。」上年周柏豪話有嘢做去唔到，仲有個幾月就農曆新年，今年飯局約咗未呢？周柏豪話：「未知，都仲係12月，可能沈生唔喺香港呢。」
許廷鏗首《痛醒》得到十大金曲獎，但原來呢首歌係舊公司星夢嘅，佢解釋呢首歌原來係孿生嘅，另一半喺吳若希嘅《麻醉》仲未推出。問到許廷鏗新公司嘅歌冇得拎獎，有冇遺憾？佢話：「都係我嘅作品，頭半年做歌，下半年專心新公司出碟，已經遺忘咗。」
得到最有前途新人獎金獎嘅顏卓靈話緊張到好似有藍色蝴蝶喺肚入面飛咁，而頒獎禮前男朋友有同佢講good luck，得獎後未見男友：「得獎第一個就見傳媒，佢應該拍緊戲，我專登唔話俾男友知，睇下佢之後知唔知。」
 攝影：林賓尼 |  周柏豪今日拎咗兩個獎，佢話轉咗公司要大豐收難啲。 |  講到余文樂、沈嘉偉反目一事，佢話舊時 |
