連詩雅(Shiga)噚晚到銅鑼灣出席熱狗大胃王比賽任客席嘉賓，向一班參賽者打氣，佢話自己都好想參加：「參賽者要喺三分鐘之內鬥食得多熱狗，贏咗可以一分鐘內任攞禮品，我都好想試，因為好鍾意食腸仔包，以前入行初期收入唔好，我試過一日食三四個。」


Shiga又話自己係橡皮肚可以食好多嘢：「試過要準備食大餐，我可以提前三日為嗰餐準備，例如節食或先做運動，我一個人嘅食量好多連身邊朋友都驚，所以我覺得自己參賽嘅話有機會會贏。」佢又話：「自己雖然睇落手腳好纖幻，但食完嘢會有肚腩仔，似足懷孕四個月咁。」