絕迹樂壇超過20年嘅黃翊，喺今年年初因為薛家燕嘅節目而回歸樂壇，o依家佢出新歌同計劃出碟。剛踏入半百之齡嘅佢，仲計劃明年上紅館開個唱。
歌唱事業再逢小陽春，其感情生活亦令人關注。當年佢同黃寶欣分手之後，未幾與前亞視藝員陳存正拍拖，05年誕下囝囝黃睿。早前黃翊出席活動，講到佢回歸樂壇呢條路有啲吃力，一來要錄音兼做訪問，又要照顧阿仔，而且太太嘅身體又唔好(新聞連結：http://bit.ly/2DkWkC3)
，不過當時他未有透露太太病情，直到日前佢喺電台嘅錄音訪問上，透露原來太太患腎病，而且病重不輕。
黃翊在訪問中稱，早前打風唔小心整親，弄傷頸椎，左手開始痺，o依家要keep做物理治療。黃翊笑言依家要乖乖哋，因為太太嘅身體都有問題：「太太個腎都出現咗問題，佢好辛苦。前幾年發作，搞到個身好腫，本來佢只係得百零磅，但係腫到有160磅。
「我哋不停搵醫生求醫，唔知係咪食咗好多西藥，食到個腎壞咗，之後撞到位中醫，幫佢調理，慢慢只係食中醫嘅藥，因為中醫都可以幫到佢排番西藥嗰啲副作用出嚟。」
黃翊稱太太本來情況都幾好，點知轉差：「喺最近呢兩個月，太太又翻發，都幾嚴重，o依家佢腫得好緊要，腎有問題，好驚要洗腎。聽到洗腎真係好大件事，唔知點去搞。
「太太個腎睇醫生已經睇咗有7、8年，睇私家使咗唔少錢，但係都冇顯著嘅功效幫到佢，直到有朋友話不如叫我睇公立醫生，跟住同太太傾談，試吓公立醫院。」
黃翊稱：「之前太太住私家醫院，環境真係好似係五星級酒店，當然好係要用錢去堆砌返嚟，樣樣都係錢，真係搵幾多錢都冇晒，去到公立環境梗係冇咁好，亦唔會有一個醫生專門跟住你，不過要識得接受呢件事，但係對於我哋嚟講，環境已經唔再重要，最重要係希望可以醫好個太太病。」
黃翊話太太嗰陣嘅情況都幾差：「佢對腳腫到啲皮膚好似裂開，真係好心痛，因為排唔到毒，身體嘅毒素去到接近900，係一個好危險嘅情況。醫生反而冇做啲乜嘢，太太擔心，唔知點算好。」
黃翊話喺呢個時候，出現咗一個人，令到佢哋放低咗心頭大石：「嗰陣太太好驚，毒素令到佢睇嘢矇查查，好擔心會影響日後嘅視力問題，喺呢個時候，嗰陣有一個小姐同我太太say hi，之後行咗去床邊同佢傾偈，佢哋傾咗好多嘢，佢話自己10幾歲已經有呢個病，已經洗腎洗咗十幾20年，嗰個女仔話好以為洗腎係一件大件事，只係一個病，都係要醫，之後解釋咗好多嘢俾我太太知，解決咗佢心目好多疑問，太太成個人定晒。」黃翊話：「我好多謝呢個小姐，佢好似一個小天使。」
 黃翊話太太最初好徬徨，好彩得到病友開解。(資料圖片) |  (資料圖片) |  黃翊曾經話過回歸樂壇有啲吃力。(資料圖片) |
