聖誕節靚女自然特別忙，因為佳節當前活動多，自然多人約。
不過身為BB級嘅劉心悠自言冇呢個福份，因為一如既往要係工作度過。今年喺入行以嚟第一次剪咗短頭髮，全因為新戲《守護者》，以為心悠BB會覺得唔慣？佢反而話短髮仲吸引，最大分別只係瞓醒嗰陣：「會好自然抓下頭，因為以前長頭髮打晒結，點知抓落去冇嘢。現在(嗰頭)好輕，聖誕節覺得短仲成熟過長髮，因為可以見多啲頸、鎖骨，仲性感過長頭髮。」
講到聖誕節鍾意着咩色衫？佢就選擇黑白、橙呢啲顏色就算撞多啲色，紅綠撞上身都唔驚。至於最難忘嘅聖誕節，心悠BB就話喺加拿大溫哥華度過，佢話:「一路做學生喺shopping mall賣鞋打工，你知一到聖誕，所有嘢都係一折兩折。」心悠BB話試過有年一開門，就見到成班女仔好似喪屍咁衝入嚟，搞到有人受傷，認真難忘喎，所以佢話：「Boxing Day真係要注意安全。」似乎有啲語帶相關。
佢覺得聖誕節應該係要同屋企人過，反而情人節就係同男友過，不過佢笑言自己已經嫁咗畀工作，所以情人節通常都開工。原來心悠BB最鍾意嘅節日唔係聖誕節，而係感恩節：「因為未去到聖誕咁重，但又會全家gathering。」
 攝影：林德雄 |  聖誕節靚女自然特別忙，因為佳節當前活動多，自然多人約，不過身為BB級嘅劉心悠自言冇呢個福份。 |  |
 講到聖誕節鍾意着咩色衫？佢就選擇黑白、橙呢啲顏色就算撞多啲色，紅綠撞上身都唔驚。 |  |  |
 |  至於最難忘嘅聖誕節，心悠BB就話喺加拿大溫哥華度過。 |  |
 |
