麥明詩因為「#metoo」事件被受質疑，噚日佢突然喺Ig post上一張警方報案證明書，原來佢喺當年事發後返港即刻去咗報警，不過報案證明書上就話喺2013年11月1日證人證供已經被銷毀，而證供之副本亦未能尋回。而呢張證明書就係喺佢「#metoo」事件後2日，即係12月5日申請，而當時佢未有講明原來當年佢曾經報警。（新聞連結：http://bit.ly/2kyjvkv
）
而今日麥明詩今日回覆傳媒就話：「我冇回應呀！謝謝。」睇嚟未有影響麥明詩心情，今日佢就喺Ig post咗張工作照，相中拍緊《後生仔傾吓計》嘅麥明詩同馮盈盈一齊身穿校服，而麥明詩嘅校服裙似乎唔係好啱規格，就算佢坐喺度校服裙都唔及膝，不過講到個樣，對比當年10優嘅青澀樣子，依家的確靚咗唔少！
