到咗年尾，又到一年一度嘅聖誕節，你又諗住點過呢？何傲兒就諗住做乖乖女，煮一餐豐富嘅聖誕大餐畀屋企人食，佢話：「我唔係好識煮嘢食，但簡單焗魚都識。平時父母煮畀我食多，反而我未煮過，人大咗，同家人各有自己工作同生活，開心食一餐飯，係我帶畀佢哋嘅回憶。」


Lily自從同周子揚分手後，近兩年都甚少有緋聞，主力返大陸拍劇。問到介唔介意發展異地戀？佢話：「五年前，如果有個北京腔嘅男仔同我講嘢會好驚，因為溝通唔到，但o依家普通話好啲，咩國藉都冇所謂，最重要係真心相愛。」Lily曾經被指貪戀富家子，佢直言好唔開心，佢話：「我真係唔係睇錢，溝通到、坦白最重要。以前啲新聞.....其實到底係咪靚女，斯文着靚衫，港姐出身，屋企唔係超級有錢，奇怪點解乎合呢三條件，啲人就掛名話你鍾意『釣金龜』。我問自己遇過好多唔同人，去好多場合見過大戶人家，真係覺得溝通、錫自己，願意一齊行想行嘅路，先係最重要。就算佢好有錢，但唔理你都唔開心。」問到依家想唔想拍拖？佢話：「咁我都想有人錫，新一年希望搵到個好男仔，同埋拍多啲劇啦。」




何傲兒希望今個聖誕節，能為屋企人準備一道聖誕大餐。傲兒希望新一年可以搵番個男朋友。
被標籤『釣金龜』，傲兒坦言唔開心。