黎耀祥今日喺東頭邨出席長者冬至慶祝活動，現場大派褔袋，有長者摸臉又叫佢柴九，好受歡迎。現場仲有位105歲長者參加，祥仔讚對方精靈：「探訪長者令佢哋好開心，自己都開心，8、9年前既《巾幗梟雄》佢哋仲記得，最近《公公出埠》咁夜播都有睇，喺佢哋眼中我係小鮮肉，遲啲不如組個黎耀祥長者影迷會，應該有得做。」


早排黎耀祥同曹永廉、蕭正楠同黃浩然拍節目，疑似玩大咗不滿被蕭正楠同黃浩然夾擊，曹永廉反擊二人係契弟，祥仔話：「邊有隔夜仇，阿廉細路仔窒窒下唔開心，我哋幾個成日鬧交，唔反面都咁叫。大家太熟先咁樣玩會口沒遮攔，有時過咗火，當下可能唔開心，轉頭冇事。」佢話唔使叫朋友收歛，而聖誕因各人都忙無法聚首，祥仔話到時農曆年一如以往團拜食飯。




攝影：林賓利婆婆們見到黎耀祥，個個都bling bling眼。
喺老人家入面，黎耀祥係小鮮肉。