現年47歲嘅日本影后中山美穗前年已回復單身，佢不時喺Twitter留言透露已唔信愛情，日前又連環po文話唔再談戀愛，難怪過去一年寄情工作顯得十分勤力，接劇又拍電影，日前美穗又宣傳下月7日開播嘅NHK新劇《平成細雪》，同高岡早紀、伊藤步合演姊妹。
至於美穗現實中嘅親生妹妹中山忍又點？當年挾「美穗細妹」身份於15歲加入藝能界，當年仲同李連杰合演港產功夫片《精武英雄》，可惜事業卻遠不及家姐，近年工作量寥寥無幾。44歲嘅中山忍最近難得孖住美穗出巡，兩姊妹日前又合體撐時裝界好友，獲網民大讚中山姊妹氣質不變。
 美穗失戀後不時喺Twitter留言透露已唔信愛情，日前又揚言唔再談戀愛。 |  美穗跟高岡早紀、伊藤步等為NHK新劇《平成細雪》合演姊妹。 |  美穗同親生妹妹中山忍感情深厚。 |
 當年兩姊妹索盡藝能界。 |  《精武英雄》 |
