圈中有唔少廿四孝媽媽，當中就一定包括蔡少芬，08年同張晉結婚，喺11年同13年先後誕下兩個囡囡張楚兒（湯圓）同張信兒（包子），雖然做咗媽媽不時都要去大陸工作，不過佢都盡力抽時間喺香港陪住兩個女。


不過呢位媽媽真係冇得輸，點解咁講？雖然仲有差唔多成年先到萬聖節，不過因為湯圓一句想扮卡通人物，蔡少芬就落手落腳DIY一套「小豬Cosplay」衫俾阿女，佢仲影埋相上微博。相中可見，佢拎咗個粉紅色嘅環保袋出嚟做原料，剪裁、縫紉一腳踢，唔止服裝，就連豬耳仔都係蔡少芬自己一手改裝，都咪話唔犀利！蔡少芬仲留言：「從沒想過自己可以做一件衣服，湯圓想做小豬，媽媽一定全力協助！…說真的，我也服了自己！」睇返啲手工真係唔錯，其實假以時日蔡少芬唔做戲，都可以轉行做裁縫噃。





因為湯圓一句想扮卡通人物，蔡少芬就落手落腳DIY一套「小豬Cosplay」衫俾阿女。真係全人手DIY。
豬耳仔都係蔡少芬自己一手改裝。鞋又係
製成品嘅手工又真係唔錯。睇嚟係以呢個卡通人物參考。